बस एक दोन दिवस आणखी………………


आज येईल उद्या येईल करत करत जूलै संपला पण तो अजून ही वाटच पाहायला लावत आहे. ते म्हणतात बस आणखी दोन तीन दिवस वाट पहा. असा नेहमी अनुभव येतो एखादी गोष्ट घडण्यापूर्वीच आपण काही बोललो म्हणजे निगेटिव्ह तर ती घडत नाही आणि मग सर्व म्हणतात की नाट लागली. बस असेच पावसाचे होत असते. प्रत्येक वर्षी ते म्हणतात उद्या  जोरदार पाऊस पडेल आणि तो रुसून पुढे निघून जातो.

यावरून एक गोष्ट आठवली. माझ्या मित्राच्या मित्राचा एक मित्र आहे. त्याचे नाव आठवत नाही पण आपण त्याला अमक्या म्हणू या. त्याने एकदा त्याच्या एका मित्राची गम्मत सांगितली. त्याचा मित्र ढमक्या हा मौसम विभागात आहे.

दर वर्षाला पावसाचा आणि बातम्यांचा लपंडाव पाहून एकदा अमक्या त्या ढमक्याला म्हणाला, ” काय मित्र ह्या वर्षी पावसाचे काय भाकीत आहे?”

तो,” अरे ह्या वर्षी पाऊस अगदी वेळेवर म्हणजे ७ जूनला येईलच. बघ तू !”

हा,” काय म्हणतो?”

तो, “बिलकुल! मी स्वतः अभ्यास केला आहे.”

हा,” देव तुझ भल करो!”

अहो आश्चर्यम! ६ जून पासूनच आकाशात काळे ढग जमायला लागले. त्या रात्री ते दोघे सोबत जेवण घेत असतांना अमक्याने त्याची मनापासून स्तुती केली. तुझे भाकीत अगदी खरे होणार आहे. तंतोतंत.

रात्री १२ नंतर खरोखर मुसळधार पाऊस पडला.अमक्याने  अभिमानाने कॉलर वर हात फिरवला. त्याच्या बायकोने त्याला पाहिले आणि  “सकाळी बघू  आता झोपा गुपचूप”.

सकाळी उठल्यावर तो पाय मोकळे करायला बाहेर अंगणात आला आणि वर पाहिले तर निळेशार आकाश. त्याच्या पाठोपाठ त्याची बायको पण आली आणि ” पाहिलात वरती” तो बिचारा काय बोलणार. पण मित्राची पाठराखण करण्यासाठी तो म्हणाला, ” तु नाट लावली.”

यावर्षी अशीच कोणाची तरी नाट लागलेली दिसते. म्हणूनच तर पाऊस रुसून बसला आहे. रोज सकाळी उठल्यावर मी खिडकीतून वर पाहतो. काळेशार ढग दिसतात आणि जास् जसा सूर्य वर यायला लागतो ती ढग कमी होऊ लागतात आणि उन पडते. असे आणखी किती दिवस चालणार?

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s