भाकरी…


काय राव, हल्ली भाकरी म्हणजे स्वप्नवत वाटते. ६०-७० च्या दशकात दररोज प्रत्येक घरात भाकरच बनत असे. गहु तर गरिबांना दुर्मिळ होते. आमच्या घरी ही दर रोज ज्वारी ची भाकरच मिळे.

पोळी फक्त दिवाळी, दसरा, होळी असे मोठे सण असले तरच. किती आनंद व्हायचा जेव्हा घरात गोळी व्हायची. होळी रे होळी पुरणाची पोळी म्हणत होळी साजरी व्हायची.

आम्ही खूप आनंद लुटत असु जीवनाचा.

बर, त्याकाळी घरोघरी गुळाचा चहा असायचा. मात्र घरी जर पाहुणे आले तर गुपचूप दुकानात जाऊन साखर आणायचे जेणेकरुन पाहुण्यांना हे समजू नये की यांच्या घरी साखर सुद्धा नाही.

अर्थात आलेला पाहूणा सुद्धा श्रीमंत नसायचा. त्याच्या घरी सुद्धा साखर आणायची हीच पद्धत असायची. पण आपण श्रीमंत आहोत हे दाखविण्याचे एक साधन साखर सुद्धा होते हे आपल्या लक्षात आले असेलच.

साखरेचा चहा फक्त पाहुण्यांनाच बर का.

आम्हाला तर चुकुन ही नाही. मुलं आग्रह ही करत नसत. मुलं सुद्धा परिस्थितीची जाण ठेऊनच वागत.

या सर्वांचं कारण म्हणजे घरोघरी गरिबी होती असे आहे का? तर माझ्या मते तसे नाही. कारण गुळ जास्त प्रमाणात उत्पादित व्हायचा आणि साखर कमी. म्हणून गुळ स्वस्त होता.

तसेच भाकरीचे ही होते. ज्वारीचे उत्पादन जास्त प्रमाणात घेतले जात होते. म्हणून ज्वारी स्वस्त होती.

हळूहळू जग बदलत गेल. हे तर फक्त म्हटले जाते. खरे म्हणजे बदलत आपण जात असतो नाव मात्र जगाच घेतो. आपल्याला वाटत जग म्हणजे इतर लोकं. आपण याच जगात राहतो, याच जगाचा हिस्सा आहोत हे आपण विसरतो. बर असो. आपण आपल्या मुळ मुद्द्यावर परत येऊ.

हो तर कालांतराने गुळ आणि ज्वारी महाग झाले आणि साखर व गहु स्वस्त. गरिबांना आता साखर व गहु

खाणे परवडायला लागले.

मग काय. घरोघरी साखरेचा चहा. आपणच आपल्या घरी पाहुणे झाल्यासारखे वाटायला लागले. कालांतराने आपली मानसिकता ही बदलली व दररोज साखरेचा चहा आणि गव्हाची पोळी खाणे अंगवळणी पडले.

पण जीवनाचा तो आनंदच हिरावला गेला आहे की राव.

“जो मजा उस जीने मे था जॉनी वो अब कहाँ??”

आता साखरेचा चहा दिवसातून किती दा ही घेतला तरी कोणी रागवणार नाही. गव्हाची पोळी ही रोजच्या जेवणाचा अंग झाली आहे.

Advertisements

2 thoughts on “भाकरी…

  1. ते दिवस खरे तर चांगले होते.आज फक्त सर्व व्यवहार ‘माझे स्टेटस’ आणि ‘जग काय म्हणेल’ , अशा गोष्टीं वर चालले आहे.

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google photo

You are commenting using your Google account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s