आईच्या माघारी बहीणच आई असते देवा !
( भाऊबीज , रक्षाबंधन आणि ओवाळणी )
कोण म्हणतं बहीण
ओवाळणी साठी ओवाळते,
भावासाठी बिचारीचे
अंतःकरण तळमळते।।१।।
भाऊरायाच्या रूपाने
माहेर येतं घरी,
म्हणून येतात काळजात
आनंदाच्या सरी।।२।।
या निमित्ताने तिला वाटतं
भावाशी खूप बोलावं,
माहेरच्या फांदीवर
क्षणभर तरी डोलावं।।३।।
कशी आहेस ? एवढाच प्रश्न
सुखाऊन जातो,
दुःखात सुद्धा एखाद-दुसरा
आनंद अश्रू येतो।।४।।
साडी आणली का नोट
कोणी पहात नाही,
भाऊ दिसे पर्यंत तिला
घास जात नाही।।५।।
लग्न होऊन सासरी जाणं
खूप कठीण असतं,
बाप नावाच्या आईला
सोडून जायचं असतं।।६।।
उपटलेल्या रोपट्या सारखं
सोडावं लागतं माहेर,
जन्मदात्या आई कडून
स्वीकारावा लागतो आहेर।।७।।
वाटतो तितका हा प्रवास
सहज सोपा नसतो,
भावासाठी काळजात एक
सुंदर खोपा असतो ।।८।।
रक्षाबंधन ,भाऊबीज हे
फक्त नाहीत सण,
बहिणी साठी ते असतं
समाधानाचं धन।।९।।
सुरक्षेचं कवच आणि
पाठीवरचा हात,
बहिणींसाठी भाऊ म्हणजे
दुःखावरची मात ।।१०।।
कुणीतरी आपलं आहे
भावनाच वेगळी असते,
म्हणून बहीण दाराकडे
डोळे लाऊन बसते ।।११।।
रक्षाबंधन , भाऊबीज
दिवस राखून ठेवा,
आईच्या माघारी बहीणच
आई असते देवा।।१२।।
(एक व्हाट्सएप संदेश)
💐💐💐💐💐💐💐
पैशाचं नांव अर्थ
पण तो करतो मोठा अनर्थ
माझ्या मना ... 