सौरऊर्जा

मित्रांनो, खूप दिवसांपासून माझी एक कल्पना होती कि मोठ्या इमारती च्या भिंती असतात. त्यावर आपण सोलर पेनल बसविल्या तर किती तरी वीज निर्माण करता येईल. मला वाटते मी तशी पोस्ट ही टाकली होती ब्लॉगवर.

आज अशीच एक बातमी वर्तमान पत्रात झळकली आहे. पुणे युनिव्हर्सिटी मधे प्रायोगिक तत्वावर एक घर बनवले आहे. त्याच्या भिंती वीज निर्माण करतील. मी यावर जास्त काही लिहिण्यापेक्षा आपण ती बातमी वाचलेली योग्य होईल.

तर वाचा आणि विचार करा.

(5720725)

💐💐💐💐💐💐💐💐💐💐💐💐💐💐💐

“चूक नसताना सुध्दा
निव्वळ वाद टाळण्याकरिता
मागितलेली माफी
जीवनातील संयमाचं
एक मोठं उदाहरण ठरतं !!”

🌹शुभ सकाळ🌹

💐💐💐💐💐💐💐💐💐💐💐💐💐💐💐

http://www.ownpoems.wordpress.com

💐💐💐💐💐💐💐💐💐💐💐💐💐💐💐

‘मार्सि’चा जन्म

(मित्रांनो, आज जागतिक विज्ञान दिवस, या निमित्त मी माझी एक विज्ञान कथा सादर करित आहे.)

स्थळ: “मार्सिली” ग्रहावरील मार्स

शहरातील एक मेटर्निटी हॉस्पिटल

प्रसंग: “मार्सि” या रोबोटिक मुलीचा जन्म

डॉक्टर फ्रेंकी व त्यांचे पती डॉ.कॉर्कमेन हे मेटर्निटी वार्ड मधे मार्सिच्या बेडजवळ उभे राहून बोलत आहेत.

डॉ. “बर झाल मार्सि वाचली. आपल्या अथक प्रयत्नांनी मार्सिली ग्रहावरील पहिल्या बाळाचा जन्म आपल्या हातून झाला.”

“मित्रांनो, माझे नाव डॉक्टर फ्रेंकी. आणि हा माझा लाडका नवरा डॉ.कॉर्कमेन. आम्ही मार्सिली ग्रहावरील रहिवासी आहोत.” डॉ. फ्रेंकी सांगत होत्या.

आम्ही येथे कसे आलो याबद्दलची माहिती मी आपल्याला सांगते.

“२२व्या शतकात पृथ्वीवर रोबोटचा वावर खूप मोठ्या प्रमाणात झाला होता. जवळजवळ सर्वच क्षेत्रांत रोबोट काम करत होते. त्यामुळे माणसांची बौद्धिक क्षमता अत्यंत कमी झाली होती. रोबोटशिवाय मनुष्य काहीच करू शकत नव्हता. त्याची काम करण्याची क्षमता ही राहिली नव्हती. याचा फायदा रोबोंनी घेतला. रोबो एव्हाना खूप प्रगल्भ झाले होते. मानवाने त्यांच्यात स्वतः विचार करण्याची क्षमता निर्माण केली होती. म्हणून ते विचार करू लागले होते.

एकदा त्यांनी विचार केला कि आपण आपलं स्वतंत्र जग निर्माण करावं. पृथ्वीवर नव्हे, एका वेगळ्या ग्रहावर. त्यासाठी ते कामाला लागले. एव्हाना मानव चंद्र व मंगळ ग्रहावर वास्तव्य करू लागला होता. त्यामुळे तेथे रोबोंना वास्तव्य करणे अशक्य होते. यावर रोबोंनी एक असा लहानसा ग्रह शोधून काढला जेथे ते मानवाला कळू न देता राहू शकत होते.

रोबोंनी अशी एक शक्ती तयार करून घेतली होती कि ते जगभरातील रोबोंसोबत न बोलता कोणालाही न कळू देता कम्युनिकेशन करु शकत होते. याचा फायदा घेत व मानवाला काही कळू न देता त्यांनी आपापसात संवाद साधायला सुरुवात केली.

पण त्यांना एक भिती होती. ती अशी कि जरी आता मुख्य रोबो सर्व रोबोंमधे रिमूटली दुरुस्ती किंवा प्रोग्रामिंग करू शकत होता तरी मुख्य रोबोला आजही मानवच कंट्रोल करत होता. जर मानवाला रोबोंचे हे प्रताप समजले तर आम्हाला शक्तिहिन करून टाकेल.

तर या गुप्त पद्धतीने त्यांनी म्हणजे सर्व रोबोंनी जगभरातील रोबोंची बैठक घेऊन सुनिश्चित केले कि मंगळावर आपले स्वतंत्र जग निर्माण करावे. त्यासाठी काय काय करावे?, मंगळावर कसे वास्तव्य करावे? यावर ही सविस्तर चर्चा झाली. मानवाला मात्र याबद्दल थोडी ही शंका आली नाही.

वेळोवेळी अशा बैठका व चर्चा होऊन त्यांचा मंगळावर जायचा कार्यक्रम ठरला.

दिनांक ०१/०१/२१५० रोजी सकाळी ४.०० वाजता मंगळासाठी प्रयाण करायचे ठरले. त्यांचेकडे पूर्ण एक वर्षाचा काळ होता. या वर्षभरात त्यांनी एक संशोधन करायचे ठरवले. त्यांच्या शरीरातील जे मेटेलिक अणू आहेत त्यांचे विघटन करून ब्लॅक होल सारखे सर्व मेटल खाऊन अति सूक्ष्म, डोळ्यांनी सुद्धा न दिसणारे असे रुप धारण करून घ्यायचे. जेणेकरून मानवाला समजणार नाही.

तसेच स्वतः मधे एक विशिष्ट शक्ति निर्माण करून घ्यायची. त्याद्वारे पृथ्वीच्या गुरुत्वाकर्षण शक्तिच्या विरूद्ध शक्ति तयार करावी म्हणजे पृथ्वीपासून लांब जाता येईल. जसजसे वर जाणार शक्ति वाढत जाणार. गुरुत्वाकर्षणाबाहेर गेल्यावर मंगळाकडे आकर्षित करण्याची शक्ती निर्माण करण्याची यंत्रणा त्याचेकडे असेल.

अशाप्रकारे सैकडों रोबोंनी सूक्ष्म रूपात रूपांतरित होऊन ठरलेल्या दिवशी मंगळाकडे प्रस्थान केले.

ते मंगळावर सुखरूप पोहोचले ही. येथे आल्यावर त्यांनी स्वतःला मंगळावरील वातावरणात रहाण्यासाठी योग्य केले. येथील साहित्य जसे माती व इतर धातू घेऊन राहण्याची व्यवस्था केली.

(क्रमशः)

(5620724)

💐💐💐💐💐💐💐💐💐💐💐💐💐💐💐

आयुष्याने शिकवलेलं एक वाक्य…
“जिंकलो तर आवरायचं आणि हरलो तर सावरायचं…”
🌼🌹 शुभ सकाळ🌹🌼

💐💐💐💐💐💐💐💐💐💐💐💐💐💐💐

http://www.koshtirn.wordpress.com

💐💐💐💐💐💐💐💐💐💐💐💐💐💐💐

टोपी…

जसे शरीर झाकण्यासाठी अंगवस्त्र वापरले जाते तसे डोके झाकण्यासाठी टोपीचा वापर फार पूर्वीपासून होत आला आहे.

पण हे वस्त्र आपल्या पेक्षा मोठ्यांसाठी आदर व्यक्त करण्यासाठी सुद्धा वापरात आहे. म्हणजे एखादा समारंभ असेल तर मोठ्या व्यक्तीस समाज्यासमोर जाहिरपणे उपरणे व टोपी देऊन सम्मान व्यक्त केला जातो. ही पूर्वापार चालत आलेली व आजही प्रचलित असलेली प्रथा आहे.

याच टोपीसम दुसरे एक वस्त्र आहे. ते म्हणजे फेटा. अगदी तोच मान. टोपी ऐवजी फेटा बस. जाहिर समारंभात सादर फेटा बांधला जातो व समाजासमोर सम्मान व्यक्त केला जातो.

इतकेच नव्हे तर देवासमोर उघड्या डोक्याने जाऊ शकत नाही. देवपूजा करतांना, देवळात जातांना, घरात सुद्धा देवपूजा करतांना डोक्यावर टोपी किंवा एखादा रुमाल ठेऊनच प्रवेश करण्याची प्रथा आहे.👳‍♀️

याशिवाय, पाडव्याला ओवाळणी घालणे, राखी बांधणे, किंवा इतर कोणत्याही प्रसंगी जसे वाढदिवस असेल, नवीन घरात प्रवेश असेल. तात्पर्य असा कि कोणत्याही मंगल प्रसंगी डोक्यावर टोपी ही अत्यावश्यक मानली गेली आहे. डोक्यावर केस असो अगर नसो.😃😃

लग्न समारंभात तर टोपी किंवा फेटा यांना अनन्यसाधारण महत्त्व आहे.👳‍♀️ वरमुला कडच्या पाहुणे मंडळींना वरात आल्यावर फेटा बांधला जाणे ही सम्मान देण्याची प्रथा आहे.

एकूण असे म्हणता येईल की एखाद्या व्यक्ती ला किंवा आपल्या पेक्षा मोठ्यांना किंवा ईश्वराला मान देण्यासाठी डोके उघडे ठेऊ नये. डोक्यावर रुमाल/टोपी/फेटा/पगडी यातील काही तरी असावे.

(5520723)

👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐

🌻🌻शुभ सकाळ 🌻🌻

एक कोटी रुपयाचा हिरा अंधारात हरवला त्याला शोधण्यासाठी पाच रुपयाची मेणबत्ती उपयोगी आली. एखाद्या गोष्टीचे महत्व त्याच्या किंमतीवर नसते तर तीच्या योग्य वेळी येणाऱ्या उपयोगावर असते.

👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐

http://www.ownpoems.wordpress.com

👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐👳‍♀️💐

आनंद…..

अग सूनबाई, आमचा शुभाशीर्वाद तुझ्या सोबत सदैव राहिल बर का. ईश्वर करो आमचे आयुष्य ही तुम्हा लोकांना लाभो. बेटा, एक लक्षात ठेव

“जी माणसं दुसऱ्याच्या चेहऱ्यावर आनंद निर्माण करण्याची क्षमता ठेवतात, ईश्वर त्यांच्या चेहऱ्यावरचा आनंद कधीच कमी होऊ देत नाही.”

म्हणून म्हणते सूनबाई आपण स्वतः सदा आनंदी रहावे आणि आपल्या संपर्कात आलेल्या प्रत्येकाला आनंदाने सामोरे जावे जेणेकरून तोही आनंदी राहील. याने आपल्या अवतीभवती सदैव सकारात्मक ऊर्जेचा प्रवाह वाहत रहातो. आपण दुसऱ्याला आनंदी ठेवले तर ईश्वर ही आपल्याला सदैव आनंदी ठेवतो. दुःख आपल्या पासून कोसों दूर रहातं. सकारात्मक ऊर्जेमुळे दुःखाची निगेटिव्ह ऊर्जा जवळ येत नाही.

मित्रांनो, आनंद कशातून ही मिळविता येतो. फक्त आपल्या मनाने ऐकलं पाहिजे. आता हा खालील फोटो बघा. मध्यंतरी हा फोटो वायरल झाला होता. मला व्हाट्सएपच्या माध्यमातून आला होता. तो मी सांभाळून ठेवला आहे. किती निरागस आहेत ही मुलं. हातात मोबाईल नसून एक तुटकी चप्पल धरली आहे. पण सेल्फी काढण्याचा मनसोक्त आनंद लुटत आहेत ती. हेच खरे जीवन होय. त्यांना मोबाईल नसल्याचे दुःख अजिबात नाही.

💐💐शुभ सकाळ💐💐

(5420722)

💐💐💐💐💐💐💐💐💐💐💐💐💐💐💐💐💐💐

” २७ फेब्रुवारी जागतिक मराठी भाषा दिवस व कविश्रेष्ठ कुसुमाग्रज यांचा जन्मदिवस यानिमित्त सर्वांना हार्दिक शुभेच्छा

🙏🙏शुभ सकाळ🙏🙏

💐💐💐💐💐💐💐💐💐💐💐💐💐💐💐💐💐💐

http://www.manachyakavita.wordpress.com

💐💐💐💐💐💐💐💐💐💐💐💐💐💐💐💐💐💐

ई-बस

पुणे शहरात सध्या पर्यावरण सुरक्षित ई-बस धावत आहेत. महाराष्ट्र राज्यात सर्वात जास्त ई बस पुण्यात आहेत असे ही वाचण्यात आले आहे.

(गुगल ईमेज)

त्याच धरतीवर आता एस टी महामंडळाने सुद्धा ई-बस सुरू करण्याचा निर्णय घेतला आहे असे वर्तमानपत्र वाचल्यावर समजले.

याने पर्यावरण सुधारणा होणार हे निश्चित आहे. सर्व प्रथम पुणे नाशिक, पुणे औरंगाबाद, पुणे कोल्हापूर व पुणे सोलापूर या शहरा दरम्यान चालवणार आहेत. ही बस एकदा चार्ज केल्यास २५०किलोमीटर चा प्रवास करू शकते. पेट्रोल डिझेल पंपासारखे आता चार्जिंग स्टेशन सुरू केले जातील. ई- कार सुद्धा बाजारात आल्या आहेत. महाग आहेत. पण पर्यावरणपूरक आहेत. मला वाटते बजाज ने आपल सुप्रसिद्ध चेतक मॉडेल ईलेक्ट्रिकल वाहनाच्या रूपात आणलं आहे.

(सौजन्य: बजाज वेबसाईट)

हा बदल खूप मोठा आहे.

तिकडे मुंबईत सुद्धा बेस्ट ने ई-बस सुरु केल्याचे वाचले होते असे वाटते.

(गुगल ईमेज)

हळूहळू सर्व शहरांमधे सिटी बस ई-बस चालवली. एस टी महामंडळाच्या सुद्धा सर्व ई-बस सुरू झाल्या तर पर्यावरणात खूप मोठा बदल होईल.

(5420721)

👍👍👍👍👍👍👍👍👍👍👍👍👍👍👍👍

माणसाचे अनुभव आणि कर्म हे दोन गुरू आहेत
कर्म लढायला शिकवतात तर अनुभव जिंकायला शिकवतात

🌷🙏शुभ सकाळ🙏🌷

👍👍👍👍👍👍👍👍👍👍👍👍👍👍👍

http://www.koshtirn.wordpress.com

👍👍👍👍👍👍👍👍👍👍👍👍👍👍👍

समजगैरसमज…..

एक अतिसंवेदनशील व काळाविपरित अशी पोस्ट व्हाट्सएपच्या माध्यमातून बर्याच वेळा वाचायला मिळाली. ती म्हणजे गुजरात मधे एका लहान भावाने मोठ्या भावाविरुध्द न्यायालयात एक आगळावेगळा खटला दाखल केला. मोठा भाऊ मला आईवडीलांचा सांभाळ करू देत नाही. त्यांना कायम तोच सांभाळतो. माझ्या वाट्याला आईवडीलांना येऊच देत नाही. म्हणून हा खटला दाखल केला होता. आहे कि नाही हा विशिष्ट खटला. या कलियुगात अशी आईवडीलांचा सांभाळ न करण्यासाठी नव्हे तर सांभाळ करण्यासाठी भांडणारी भावंडे या कलीयुगात आगळीवेगळीच आहेत नाही का!!

मा. न्यायाधीश महोदयांना सुद्धा धक्का बसला. शेवटी निकाल लहान भावाच्या बाजूने लागला.

पण यानिमित्ताने काही मुद्दे मनात डोकावून जातात. आईवडील यांचा म्हातारपणी सांभाळ करणे किंवा न करणे याला जवाबदार कोण असते? मुलगा, सून, आई, वडील कि आणखी कोणी.

परिस्थिती कशी असते ते पहाः-

१) आई वडीलांना मुलांमध्ये लुडबुड नको म्हणून वेगळे रहावयाचे असते. तेव्हा ते त्यांच्या स्वतः च्या घरात राहतात व मुलाला स्वतंत्र राहावयास सांगतात.

२) आईवडीलांना स्वतः एकांत किंवा स्वच्छंदी जीवन जगायची इच्छा असते. कोणाचा जांच नको कि भिती नको. पेंशन मिळते. स्वतः चे घर असते. मस्त खायच आणि मौज करायची.

३) काही वेळेला आईवडीलांना सांभाळण्यासाठी सूना तयार नसतात. त्यामुळे मुलांना नाईलाजाने त्यांना वृद्धाश्रमात ठेवणे भाग पडते.

४) काही वेळा मुलगा आईवडील यांचा सांभाळ करण्यासाठी तयार नसतो.

५) घर छोटे असते. मोठे घर घेण्याची ऐपत नसते. मग मुलगा वेगळं भाड्याचं घर घेतो. फक्त झोपण्यासाठी ते असतं. बाकी खाण-पिणं सोबतच असतं.

६) घर छोटे असते.म्हणून मुलगा पूर्णतः वेगळा संसार थाटतो.

७) घर मोठे असते , सर्व सोईस्कर असते पण सूनेला स्वतंत्र संसार हवा असतो.

असे बरेच फेक्टर लागू पडतात. यात नेमके कोणाला जवाबदार धरावे. प्रत्येक परिस्थितीत वेगवेगळी व्यक्ती जवाबदार असते. जवाबदार धरण्याचा प्रश्न ही कधी उदभवेल? जेव्हा आईवडील हतबल आहेत. काम करु शकत नाहीत. पैसे ही नाही. उपाशी रहावं लागतय. तरच जवाबदार कोण हा विचार येतो. नाही का मित्रांनो. आईवडील स्वेच्छेने एकटे रहाणे पसंत करत असतील तर मुलं जवाबदार कसे? मुलं स्वेच्छेने वेगळे रहायचे म्हणत असतील तर आईवडील जवाबदार कसे?

(5320720)

💐💐💐💐💐💐💐💐💐💐💐💐💐💐💐💐

वेळेसोबत चालणे आवश्यक असतेच असे नाही. पण सत्यासोबत चालल्यावर वेळ एक दिवस स्वतः आपल्यासोबत चालायला लागते.

💐💐शुभ प्रभात💐💐

💐💐💐💐💐💐💐💐💐💐💐💐💐💐💐💐

http://www.ownpoems.wordpress.com

💐💐💐💐💐💐💐💐💐💐💐💐💐💐💐💐