आला उन्हाळा

आला उन्हाळा. काही तरी च काय म्हणताय राव. उन्हाळा तर अर्धा संपला. पण मी म्हणतो यंदा अद्याप उन्हाळा आलाच कुठे आहे? २४ तासात वेगवेगळे वातावरण असते. नेमके काय चालले आहे काही कळत नाही. निसर्गाने नेमके काय ठरवले आहे आपल्या साठी काही कळत नाही.

मला वाटते या वर्षी उन्हाळा नसणार आहे. बाहेरचे वातावरण बघा. अक्षरशः पावसाळ्याचे दिवस आलेत कि काय असे वाटायला लागले आहे. वर्तमानपत्र वाचले तर आठवड्यात जोरदार पाऊस येण्याची दाट शक्यता असल्याचे भाकित केले आहे म्हणे हवामान खात्याने. ( तुम्हाला आश्चर्य वाटले असेल न! वर्तमानपत्र बंद आहेत. आम्ही डिजिटल वर्तमानपत्र वाचतो.).

उन्हाळ्यात पारा ४४-४५ पर्यंत जातो. यंदा अद्याप ४० गाठलेले नाही त्याने. आणि आता एप्रिल तर गेला. फक्त मे महिना आहे. हा कसला परिणाम म्हणायचा. कोरोनाचा? हो हो कोरोनाचाच. कारण संपूर्ण जग घरात बसलय. एक ही वाहन रस्त्यावर नाही. अर्थात अत्यावश्यक सेवा वगळून. विमान सेवा बंद, रेल्वे बंद, मोटार गाड्या बंद, कारखाने बंद. मग प्रदूषण कसे होणार! याचाच परिणाम असा झाला आहे कि ओझोनच्या आवरणाला पडलेले छिद्र झाकले गेले आहे कि बूजले गेले आहे. आहे हा मोठा चमत्कार. मी म्हणतो जागतिक संघटनेने हा नियम करून टाकायला हवा कि दरवर्षी वर्षातून दोन वेळा एक आठवडा जगिन लॉकडाऊन मध्ये राहावे. निसर्गाचा समतोल राखण्यासाठी फार उपयोग होईल याचा. आपल्या भावी पिढ्यांना चांगले दिवस पाहायला मिळतील. चांगले जगायला मिळेल.

असो, तर या वर्षी उन्हाळा काही दिसत नाही. आणि पावसाळा लवकर येण्याची दाट शक्यता आहे.

(8620754)

💐💐💐💐💐💐💐💐💐💐💐💐💐💐💐

प्रेम ही अशी अनुभूती आहे जी मनुष्यास कधी पराभूत होऊ देत नाही. याउलट द्वेष, घृणा माणसास कधीच जिंकू देत नाही.

🎊💫….शुभ सकाळ 💫🎊…..🌹🌹

💐💐💐💐💐💐💐💐💐💐💐💐💐💐💐

http://www.ravindra1659.word

press.com
💐💐💐💐💐💐💐💐💐💐💐💐💐💐💐

सुंदर जग हे…

जगात प्रत्येक गोष्ट सुंदर आहे…
मात्र ती तुमच्या विचारांवर आणि बघण्याच्या दृष्टिकोनावर
अवलंबून आहे…. शुभ सकाळ👍👍

हा संदेश व्हाट्सएपच्या माध्यमातून (नाही तरी सध्या हा एकच माध्यम आहे संदेशवहन करण्यासाठी) आला आणि मनाला जरा आधार (सध्या ह्या व्हर्च्युअल आधाराचे महत्त्व खूप वाढले आहे. माणसाला आता हा एकमेव आधार राहिला आहे) मिळाला. हा संदेश परत परत वाचून मनाला उभारी देत होतो. तितक्यात अर्धांगिनी शेजारी येऊन बसली.

“लक्ष संदेशावर होते म्हणून समजले नाही कोण आलय ते.” मी म्हणालो. (नाही तरी घरात दोघेच असल्याने येऊन येऊन कोण येणार होतं)

पण तीने संदेश वाचला होता.

ती म्हणाली, “अहो, माझं ही हेच म्हणणं आहे तुम्हाला. जग खूप सुंदर आहे. प्रत्येक गोष्ट सुंदर आहे. फक्त तुम्हाला आपला दृष्टिकोन बदलायची आवश्यकता आहे.” असे बोलत असतांना ती आपला पदर ठिक करून माझे लक्ष तिच्या कडे वेधून घेण्याचा प्रयत्न करित असल्याचे माझ्या लक्षात आले. जणू ती खूप सुंदर आहे असे सांगण्याचा प्रयत्न होता तिचा.

“हे बघा ही साडी किती सुंदर आहे न! त्यावरील ही फुलं बघा हो किती सुंदर दिसत आहेत” मी आपला हुं हुं करत होतो.

तिने पुन्हा सुरू केले “अहो मला कशी दिसतेय ही साडी?”. मी काहीच प्रतिसाद न दिल्याने तिने पुन्हा एकदा प्रयत्न करून पाहिला, “अहो, मी कशी दिसतेय या साडीत??” आता मात्र मला प्रत्युत्तर देणे भाग होते. नाही तर सांगता येत नाही काय झाले असते. “अग, खूप छान आहे ही साडी. कधी घेतली होती आपण? मला आठवत नाही म्हणून विचारले बस?”. मी सहज विचारले. “आपण? किती साड्या घेतल्या आहेत हो तुम्ही माझ्या साठी आतापर्यंत. आणि हो एखाद्या विषयाची वाट लावण्यासाठी मुळ विषयाला वेगळी वाट करून देण्यात हातखंड आहे तुमचा. याबाबतीत कोणीही तुमचा हात धरु शकणार नाही बर. प्राविण्य मिळविले आहे आपण याविषयात नाही का?” ती अक्षरशः डाफरलीच. मोठ्या तावातावाने ती बोलली. “अग, तसं नाही काही. मला खरचं आठवत नाही म्हणून म्हणालो मी! आणि ते तू काय म्हणालीस विषय…” “अहो, मी सुंदरतेचा विषय करत होते. तुम्ही साडी कधी घेतली असा विषय करून मुळ विषयाची वाट नाही का लावली.” “सॉरी सॉरी बर का. माझ्या मनात असे काही नव्हते. असो तर तू सुंदर आहेच मुळात.”

“पण तुम्हाला मी कधी सुंदर दिसलेच नाही. सर्व जग म्हणतं कि मी किती सुंदर आहे. सिनेमात जावे म्हणून. पण माझा नवरा कधीच मला सुंदर म्हणत नाही. जाऊ द्या. नाही तरी जगात कोणत्या पुरुषाला आपली पत्नी सुंदर वाटते.”

“अग, पण मी कधी म्हणालो आणि कोणाला म्हणालो कि माझी बायको कुरुप आहे. मला अभिमान आहे कि तू माझी पत्नी आहे. परवा काय झाले बघ. आपण नाही का बाजारात गेलो होतो.”

“हो हो. गेलो होतो. मग काय त्याचं??” मी,” काय झाले? काल मला कॉलेजचा एक वर्गमित्र भेटला. चहा पीत असतांना तो म्हणाला कि परवा तुझ्या बरोबर कोण बाई होती बाजारात?” “अरे तुझी वहिनी आहे ती!” मी म्हणालो. ओ तेव्हा त्याच्या चेहऱ्यावरील हावभाव पाहून मी नर्व्हस झालो. तर तो नाराजीने म्हणाला “यार जास्त विचार करू नको. होते असे प्रत्येकाला अप्सरा मिळत नसते.” मी पण “चलता है यार!” असे म्हटले. तो पुढे म्हणाला “यार तू आपल्या कॉलेज मधील हिरो होतास. सर्वात सुंदर. किती मुली तुझ्या मैत्री साठी आसुसलेल्या असायच्या.” मी म्हटले, “जाऊ दे रे. कोण म्हणतं माझी बायको सुंदर नाही.” तो, “तसे नाही रे पण …..” “गप्प बस मित्रा. मला आता हा माझ्या बायकोचा अपमान सहन होत नाही.” आणि मी त्याला हाकलून दिले. तूच सांग बर माझे काही चुकले का यात. ती लगेच खुश. “तुम्ही खर बोलत आहात न!” “अग तुझी शप्पथ.” आणि ती “मला क्षमा करणार न तुम्ही. उगीच मी तुमच्या वर शंका घेत होते. अहो पण तुमचे खरच माझ्यावर प्रेम आहे का?” मी आपलं फुगलो आणि फिल्मी स्टाईल मधे म्हणालो, “तेरे लिए तो मै आसमान से तारे भी तोडकर ला सकता हुँ.” “बर बर. ते तारे तोडायचे राहू द्या. आणि प्रेमाची परिक्षा द्या आता.” मी, “म्हणजे काय करावे आम्ही?” “महाराज आम्ही थकलो आहोत काम करून. लॉकडाऊन मुळे तुम्ही घरात बसून थकला असणार. व्यायाम पण नाही. सकाळची सैर पण सैरभैर झाली. मग थोड उभे राहा, चालत चालत किचनमध्ये जा परत या परत जा. तितकेच वाकिंग होईल. आणि नुसतेच वाकिंग करून काय होणार. दोन कप चहा केला तर थकवा निघून जाईल आमचा.” आम्ही आ वासून बघतच राहिलो महाराणींकडे. “अहो पण दोन कप चहा पिणार आपण. पित्त वाढेल आपले.” मी पण महाराजांच्या आविर्भावात उत्तरलो. “महाराज आम्ही एकटीने चहा पीणे शोभून दिसत नाही. आपण ही घ्या आमच्या सोबत चहा.” महाराणी उत्तरल्या. आता काय करणार स्वारी(अर्थात मी हो ) आपल्याच जाळ्यात अडकली होती. गुपचूप जाऊन चहा करून आणला.

(ही एक काल्पनिक कथा आहे. या लॉकडाऊन च्या काळात नवविवाहित पण साधारण दोन वर्षे लग्नाला झालेल्या व घरात कंटाळलेल्या जोडप्याची ही काल्पनिक कथा. टाईमपास कसा करावा. बस. इतकेच. )

(8520753)

💐💐💐💐💐💐💐💐💐💐💐💐💐💐💐

आयुष्यात चांगली माणसं नकळत मिळतात… त्यांना तोडण हा क्षणाचा खेळ असतो तीच माणस जोडणं हा मात्र आयुष्याचा मेळ असतो…! 🌹🌹🌹 सुप्रभात🌹🌹🌹. 💐💐💐💐💐💐💐💐💐💐💐💐💐💐💐www.koshtirn.wordpress.com. 💐💐💐💐💐💐💐💐💐💐💐💐💐💐💐💐

महाशक्ती….

परदेशातून आला एक जीव

नसे तो सजीव

करी लोकां निर्जीव

अद्दल घडविली त्याने या जगा हो होsss।।१।।

अतिसूक्ष्म निर्जीव

करू शकेल निर्जीव

सर्व जगातील सजीव

त्याची शक्ति कळली या जगा हो हो sss।।२।।

कोंडीले ज्याने या जगां

बिळामध्ये सर्व सजीवां

त्याच्या हाती सर्व जीवां

तो करेल तेच घडी या जगां हो हो sss।।३।।

(8420752)

💐💐💐💐💐💐💐💐💐💐💐💐💐💐💐

🌹🌿🌹🌿🌹🌿🌹🌿🌹🌿 प्रत्येक चांगल्या विचाराची पहील्यांंदा चेष्टाच होते,
मग त्याला विरोध होतो, आणि शेवटी त्याच विचारांचाच स्वीकार होतो. या जगात चार गोष्टी कधीही बदलू शकतात …..विचार, निर्णय, माणुस आणि प्रेम.

🙏🌹शुभ सकाळ 🌹🙏

💐💐💐💐💐💐💐💐💐💐💐💐💐💐💐

http://www.koshtiravindra.blogspot.com

💐💐💐💐💐💐💐💐💐💐💐💐💐💐💐

स्वरचयिता…

विश्वकर्मा, विश्व रचयिता तो. त्याने फक्त सजिवांना जन्मच नाही दिला तर हे संपूर्ण ब्रम्हांड अविरत अजरामर सुरू राहो यासाठी सर्व व्यवस्था करून स्वयंपूर्ण केले. मानव, पशूपक्षी यांना वैचारिक शक्ती ही प्रदान केली. मानव जसा आसरा शोधून त्यात आयुष्यभर राहतो. तसे पशू पक्षी ही आसरा शोधतात. काही निसर्ग निर्मित आसर्यात राहतात. तर……..यापुढील वाचण्यासाठी खालील लिंक वर क्लिक करावे:-

https://koshtirn.wordpress.com/2020/04/20/%e0%a4%b

(8320751)

💐💐💐💐💐💐💐💐💐💐💐💐💐💐💐💐

जगातील प्रत्येक गोष्ट सुंदर आहे…
मात्र तीची सुंदरता तुमच्या विचारांवर आणि बघण्याच्या दृष्टिकोनावर अवलंबून आहे.

💐💐शुभ सकाळ💐💐

💐💐💐💐💐💐💐💐💐💐💐💐💐💐💐💐

http://www.manacheslok.blogspot.com

💐💐💐💐💐💐💐💐💐💐💐💐💐💐💐💐💐💐💐💐

चंचल मन…..

मित्रांनो, सध्याच्या अत्यंत शांततेच्या काळा शेजारच्या घरात दिवसा कोणी घोरत असेल तरीही स्पष्ट आवाज ऐकू येतो. इतकेच काय त्या चार बालकण्या सोडून पाचव्या घरात नवरा बायकोची दिवसा झालेली आदळ आपट ही स्पष्ट पणे कानावर येऊन आदळते. इतकी भयाण शांतता सध्या सर्वदूर पसरलेली दिसत आहे. तसे नाही. शांतता कधी दिसते का? पण असे म्हटले जाते. आता हे काही मी तयार नाही केले आहे. आपली भाषा आहे ती. असे महेश मनातल्या मनात पुटपुटला. कारण ही तसेच होते. यापूर्वी चा अनुभव महेश च्या गाठीशी होता.

अहो, असेच एकदा म्हणजे परवाच हो. महेश बाहेरून भाजीपाला घेऊन घरी आल्यावर घर एकदम शांत शांत वाटल्याने त्याने त्याची बायको अनिताला विचारले , “आज काय घरात एकदम शांतता पसरलेली दिसतेय.”

यावर ती जाम भडकली आणि “कोठे दिसतेय रे तुला शांतता? शांतता ही काय वस्तू आहे का दिसायला?” असे तार्किक पणे म्हणाली.

तिच्या तार्किक बोलण्यामुळे महेश नेहमी माघार घेऊन शांत बसून जायचा. कारण येथे डोके लावणे म्हणजे दगडावर, साध्या सुध्या दगडावर नव्हे चांगल्या लाखभर वर्षे आयुष्य मान असलेल्या काळ्याशार अशा बेसॉल्ट दगडावर डोके आपटल्यासारखे आहे.

पण ती शांत बसायला तयार असेल तर ना! “महेश तू उत्तर नाही दिले माझ्या प्रश्नाचे.”

“अग बाई काय उत्तर देऊ मी! बर जाऊ दे माझं चुकलं असेल. नाही तरी माझं व्याकरण विक होतं शाळेत असतांना.”

“तेच म्हणते मी विक आहेस.मग टॉनिक का घेत नाही एखादे.” महेशला आश्चर्याचा आणखी एक धक्का बसला.

“बर, काय झालं आज इतकी शांत शांत का आहेस? असे विचारायचे होते मला.” त्याने विषय समाप्ती कडे वाटचाल केली. तीने ही ओळखले असेल बहुतेक. “असो, आपल्याला काय त्याचे.” कदाचित असाच विचार करून ती तेथून निघून गेली असावी, असेही महेश ला वाटले. तो आपल्या नेहमीच्या सवयी प्रमाणे हातपाय धूवून हॉलमध्ये आला आणि सोफ्यावर बसला. बोर व्हायला लागले कि त्याला चहा लागतो म्हणून त्याने तिला प्रेमळ स्वरात आवाज दिला, “अग, चहा देतेस का?”

खरे म्हणजे त्याला कानोसा घ्यायचा होता कि मंडळी रागात तर नाही न! आणि तो विचार करत होता तसेच झाले ही. तिने काहीच प्रतिसाद दिला नाही. महेशचे विचार चक्र सुरू झाले. माझे नेहमी असे का होते कि मी मनात विचार केला कि तसेच घडते. त्या दिवशी मी विचार केला होता की काही दिवस सुटी घेऊन फिरायला जाऊन यावे मस्त. आणि काय आश्चर्य सरकारने स्वतःच सुटी देऊन टाकली सर्वांना. सर्वांना म्हणजे अख्ख्या जगाला हो. सर्व जगच एका लंब्या सुटीवर आहे. पण माझ्या विचारामुळे असे झाले असे कसे म्हणता येईल. कारण मला सुटी फिरायला जाण्यासाठी हवी होती घरात कोंडून घ्यायला नव्हे. म्हणजे हा माझा भ्रम आहे तर.

सर्व दूर स्मशान शांतता पसरलेली होती. एव्हढ्या मोठ्या सोसायटीत चिटपाखरूही दिसत नव्हते. कोणाचाही आवाज येत नव्हता. सुई पडली तर आवाज येईल असे वाटत होते. अशा विचारांच्या तंद्रीत महेश असतांना अचानक त्याची तंद्री एका विशिष्ट आवाजाने तुटली. आणि तो आवाज होता सौ.च्या त्या लहानग्या ईडियट बॉक्स मधील. आपला तो लाडका मोबाईल हो.

मोबाईल हॉलमध्ये विसरली होती ती. तो आवाज नोटिफिकेशन चा होता. मला वाटते व्हाट्सएपच्या नोटिफिकेशन चा आवाज आहे हा. थोड्या थोड्या वेळाने आवाज यायला लागला होता. ह्या स्मशान शांततेत तो एकच आवाज आला कि जीवंतपणा जाणवत होता. माणसाचे फार वेगळेच असते न. जेव्हा सर्व दूर गजबज असते तेव्हा नकोसे वाटते. असे वाटते लांब कोठेतरी जावे जेथे श्मशान शांतता असावी. निवांत विसावा घ्यावा. आणि जेव्हा अशी शांतता पसरते तेव्हा ती शांतता भयावह वाटायला लागते. अशा शांततेत सुई पडल्याचा जरी आवाज आला तरी दचकायला होते. असे वाटते जसे ती सुई नाही, आकाशातून भलीमोठी उल्का पडली आहे.

माणसाचे मन खरच खूप चंचल असते. जे नसते जवळ ते हवेहवेसे वाटत असते. आणि ते एकदाचे मिळाले कि ते नको नको से होते.

(8220750)

👍👍👍👍👍👍👍👍👍👍👍👍👍👍👍👍

माणसाचे अनुभव आणि कर्म हे दोन गुरू आहेत
कर्म लढायला शिकवतात तर अनुभव जिंकायला शिकवतात

🌷🙏शुभ सकाळ🙏🌷

👍👍👍👍👍👍👍👍👍👍👍👍👍👍👍

http://www.koshtirn.wordpress.com

👍👍👍👍👍👍👍👍👍👍👍👍👍👍👍

विचार….

मध्यंतरी आपल्या आवडत्या व्हाट्सएपवर एक मोटिवेशनल व्हिडीओ क्लिप वायरल झाली होती. फार छान होती. कोणाची होती आठवत नाही. पण गोष्ट लक्षात आहे ती आपल्या साठी सादर करित आहे:

एक कुंभार चिलम बनविण्यासाठी माती तयार करीत होता. माती तयार झाल्यावर चिलम बनवायला घेणार इतक्यात त्याची धर्मपत्नी म्हणाली “अहो, तुम्ही ही चिलम काय बनवताय. यापेक्षा उन्हाळा येतोय. ठंड पाण्याची सुराही तयार करा. खूप विक्री होईल.”

कुंभार हो म्हणाला व त्याने ती माती पुन्हा भिजवून सुराही तयार करण्यासाठी तयार केली. आता सुराही बनवायला हाती घेणार इतक्यात माती म्हणाली; “मित्रा, तू हे काय केलस. काय बनवणार होता आणि काय बनवतोय!”

कुंभार म्हणाला, “माझा विचार बदलला आहे.”

माती म्हणाली,” मित्रा, तुझा तर फक्त विचार बदलला आहे. माझे तर आयुष्य बदलून गेले आहे. चिलम बनविली असती तर मी आयुष्य भर जळत राहिले असते आणि दुसऱ्या ला ही जाळत राहिले असते. आता तू सुराहीचा आकार दिलाय मला. आता आयुष्य भर मी ही शीतल राहणार आणि दुसऱ्याला ही शीतल ठेवणार”

गुगल ईमेज

मित्रांनो, फक्त विचारांनी आयुष्य बदलू शकते. सकारात्मक विचार मनात आणा नेहमी चांगलेच घडेल.

(8120749)

👍👍👍👍👍👍👍👍👍👍👍👍👍👍👍👍

स्वभाव अशी गोष्ट आहे जो नेहमीसाठी सर्वांचा प्रिय बनवतो,
कितीही कोणापासून दूर व्हा
परंतु चांगल्या स्वभावामुळे कोणत्या ना कोणत्या क्षणी तुमची आठवण होतच असते.
म्हणूनच
स्वभावसुध्दा माणसाने कमावलेलं सर्वांत मोठं धन आहे..!!

🌹 🌹 शुभ सकाळ 🌹 🌹

🌾🍁🌾🍁🌾🍁🌾🍁🌾🍁🌾

👍👍👍👍👍👍👍👍👍👍👍👍👍👍👍👍

http://www.koshtirn.wordpress.com

👍👍👍👍👍👍👍👍👍👍👍👍👍👍👍👍👍

भारतीय रेल्वे

भारतीय रेल्वेने भारतात प्रथम प्रवासी वाहतूक मुंबई ते ठाणे दरम्यान ३४किलोमीटर चा प्रवास करून केली होती. तो दिवस होता १६ एप्रिल १८५३.

साभार: गुगल

तेव्हा खाजगी रेल्वे असणारी ह्या रेल्वेचे नंतर १९५१ मध्ये राष्ट्रीयीकरण करण्यात येऊन ती सरकारी मालकीची झाली.🚂

साभार: गुगल

आज दररोज १ कोटी ६० लाख प्रवासी व१४ लाख टन मालाची ६३,१४० किलोमीटर लांबी असलेल्या रेल्वे रूळावरून १६७ वर्षांपासून सुमारे २५ लक्ष कर्मचार्यांच्या सहाय्याने वाहतूक करून न थांबता अविरत सेवा देणार्या या रेल्वेचा आज वाढदिवस.🚆 पण एका अतिसूक्ष्म विषाणू ने या महाकाय रेल्वेला ब्रेक लावून सध्या थांबविले आहे. अधिक माहिती खालील लिंकवर वाचावी.🚆 https://mr.wikipedia.org/wiki/%E0%A4%AD%E0%A4%BE%E0%A4%B0%E0%A4%A4%E0%A5%80%E0%A4%AF_%E0%A4%B0%E0%A5%87%E0%A4%B2%E0%A5%8D%E0%A4%B5%E0%A5%87

अशी ही भारतीय रेल्वे अशीच चिरतरुण राहून अखंड व अविरत सेवा देत राहो हिच ईश्वर चरणी प्रार्थना.

(8020748)

🚂🚆🚇🚂🚆🚇🚂🚆🚇🚂🚆

🚇🚂🚆🚊🚇

एक क्षण हसवून जाईल
तर दुसरा क्षण रडवून जाईल…
या जीवनरुपी प्रवासात,
येणारा प्रत्येक क्षण
जीवन जगण्याची कला शिकवून जाईल..

घरी रहा ! सुखी रहा

😊 !…शुभ सकाळ…! 😊

🚂🚆🚊🚇🚂🚆🚊🚇🚂🚆🚊

🚇🚆🚊🚇🚂

http://www.ravindra1659.wordpress.com

🚆🚊🚇🚂🚆🚊🚇🚂🚆🚊🚇

🚂🚆🚊🚇🚂🚆

वर्तमानपत्र….

आज सकाळी सकाळी टुटु शेजारच्या काकुंकडे आईने दिलेला खाऊ घेऊन गेला होता. मोठ्या काकांनी दार उघडले व टुटु घरात गेला. काकूंना किचनमध्ये जाऊन खाऊ दिला.

“आईने सर्वांना थोडे थोडे द्यायला सांगितले आहे काकू.” असा निरोप ही दिला.

काकू ही “बर” अस म्हणाल्या…….

पुढे वाचण्यासाठी खाली लिंक दिली आहे.

https://ravindra1659.wordpress.com/2020/04/12/%e0%a4%b5%e0%a4%b0%e0%a5%8d%e0%a4%a4%e0%a4%ae%e0%a4%be%e0%a4%a8%e0%a4%aa%e0%a4%a4%e0%a5%8d%e0%a4%b0/

(7920747)

💐💐💐💐💐💐💐💐💐💐💐💐💐💐💐💐

प्रेम ही अशी अनुभूती आहे जी मनुष्यास कधी पराभूत होऊ देत नाही. याउलट द्वेष, घृणा माणसास कधीच जिंकू देत नाही.

🌹🌹 शुभ सकाळ🌹🌹

💐💐💐💐💐💐💐💐💐💐💐💐💐💐💐💐

http://www.koshtirn.wordpress.com

💐💐💐💐💐💐💐💐💐💐💐💐💐💐💐💐

हे क्षण ही निघून जातील !

मित्रांनो, संकटकाळी मनाला धीर देणारी व्हाट्सएपच्या माध्यमातून प्राप्त झालेली खालील पोस्ट मी आपणासाठी सादर करित आहे:-

हे क्षण ही निघून जातील !

एका राजाला जीवनाविषयी अपार कुतूहल होते. त्याच्या दरबारात येणाऱ्या प्रत्येक साधू , संत, फकिराला तो विचारत असे की मला एक असा छोटा मंत्र द्या की तो अगदी कुठल्याही क्षणाला मला उपयोगी पडेल व मला कायम आनंदी ठेवेल.

अखेर एका बौद्ध भिक्षुने त्याला एक अंगठी दिली व सांगितले की यातील डबीत एका कागदावर मंत्र लिहिलेला आहे, पण जेव्हा जीवन-मरण असा प्रश्न तुझ्यापुढे उभा राहील तेव्हाच डबी उघड, तेव्हाच मंत्र कामाला येईल.
बरीच वर्षे शांत गेल्यावर राजाचे दिवस फिरले. राज्यात बंडाळी झाली व त्याच्याच दुष्ट व कपटी प्रधानाने त्याला तुरुंगात टाकले. पहाटेला फाशी द्यायचे ठरले.
विश्वासू सेवकाने राजाला रात्री सोडवून, एक घोडा बरोबर दिला. मजल दरमजल करीत राजा सीमेपासून दूर पळाला.
हे समजल्यावर प्रधानाने सैनिकांची तुकडी राजाच्या मागावर पाठवली. राजा एका डोंगराच्या शिखरापर्यंत पोहोचला. पुढे दरी होती. घोड्याला चरायला सोडून, मोठ्या खडकाआड लपला. त्याला वाटले आता थोड्या वेळात सैनिक गाठणार व आपण मरणार. त्या क्षणी त्याला त्या अंगठीची आठवण आली अन् ती त्याने उघडली. त्यात एकच वाक्य लिहिले होते,

This too shall pass”
म्हणजे
हाही क्षण निघून जाईल”

केवळ ते वाक्य वाचून राजाचे मन शांत झाले. आश्चर्य घडले, सैनिक तेथपर्यंत पोहचले. त्यांना वाटले फक्त घोडा दिसतोय म्हणजे राजा दरीत पडून मेला असे समजून ते परतले.
राजाने शेजारच्या राज्याची मदत घेऊन काही दिवसांत आपले राज्य परत मिळवले. विश्वासघातकी प्रधानाचा शिरच्छेद केला.
विजयाचा जंगी समारंभ चालू असताना नवीन प्रधानाने पाहिले की, महाराज कुठेही अति-उत्साहित न होता शांत मुद्रेने सिंहासनावर विराजमान आहेत. त्याने अदबीने विचारले,
‘महाराज, आपल्या आयुष्यात एवढ्या भयानक घडामोडी घडल्या व त्यातून आपण सहीसलामत बाहेर पडला, तेव्हा आपण आज आनंदाने ओसंडून जायला हवे’.
राजा म्हणाला, नाही, *आता मला बुद्धाचा अनित्यता वादाचा अर्थ व सामर्थ्य कळले आहे. “जगात कुठलीही गोष्ट कायमची टिकून राहत नाही. परिवर्तन जगाचा शाश्वत नियम आहे”. या जगात सुख ही राहात नाही, दुःख ही राहात नाही. हे मला आता समजलेले आहे. म्हणून “दुःखात खचू नये अन् सुखात नाचू नये.”

This too shall pass !
हे क्षणही निघून जातील.

ही बोधकथा आपल्याला जगायला शिकवेल. नुसतेच जगायला नव्हे तर प्रत्येक प्रसंगात मनाची शांती अबाधित ठेवण्याची, मन स्थिर ठेवण्याची गुरुकिल्ली आहे.
This too shall pass !
हे क्षणही निघून जातील.

(7820746)

💐💐💐💐💐💐💐💐💐💐💐💐💐💐💐💐

तन स्वस्थ तर मन स्वस्थ आणि मन स्वस्थ तर सर्व सुखी

💐💐शुभ सकाळ💐💐

💐💐💐💐💐💐💐💐💐💐💐💐💐💐💐💐

http://www.koshtirn.wordpress.com

💐💐💐💐💐💐💐💐💐💐💐💐💐💐💐💐