पैसा झाला मोठा…..

माझ्या लहानपणी मी असे ऐकले होते कि पूर्वी पैसाच अस्तित्वात नव्हता. तेव्हा लोकं शेतात जे पिकायचे ते अदली बदली करून जीवन यापन करित असत. नंतर मला कवळी पैसा म्हणून वापरली जाऊ लागली. हळूहळू बदल होत गेला. धेला, आणा, चार आणे आठाणा,रुपये असा काहीसा प्रवास सुरू झाला. नंतर जसजसा काळ लोटत गेला जूनी नाणी बंद होत गेली. मेट्रिक पध्दत सुरू झाली आणि सर्वच बदललं. काही वर्षांपूर्वी पर्यंत चार आणे व आठ आणे सुरू होते. पण नंतर ती बंद झाली. अजूनही काही लोकांकडे ती नाणी असावित. पूर्वी लाखभरामध्ये मिळणारी घरं आता पन्नास लाखाच्या घरात पोहोचली आहेत. माझ्या जेव्हा पासून आयटी क्षेत्र उदयास आले आहे पैसा खूप मोठा झाला आहे. त्या आधी एम बी ए हे मेनैजमेंट चा अभ्यासक्रम आला पगार भरमसाठ वाढले. सर्व तिकडे वळले. मग आले आयटी आणि मग काय सांगता. अगदी लोकं नुकतेच पास आऊट मुलं सुद्धा कोटी मधे पगार घेऊ लागले. सुमारे वीस वर्षापूर्वी मी मित्रांना म्हणायचो, आज तुम्ही खिशात पैसे घेऊन जातात आणि पिशवी भाजीपाला आणता. नंतर अशी वेळ येईल की पिशवीत पैसे घेऊन जाणार आणि हातात भाजीपाला आणणार. आज तिच परिस्थिती आली आहे मित्रांनो. असो. निसर्ग चक्र हे सुरू राहणारच आहे. ते थांबणार नाही. पण आज अशी परिस्थिती आहे की पैसा काही ही करु शकत आहे. मानव अंतरिक्ष भ्रमणाच्या उंबरठ्यावर येऊन धडकला आहे. बस फक्त पैसा हवा. नुकतेच एका धनाढ्य माणसाने स्वतः अंतरिक्ष भ्रमण केले. स्वतः ची तशी कंपनी आहे त्याची. त्याचे नाव आहे रिचर्ड ब्रैडसन आणि कंपनी चे नाव आहे स्पेस गेलेक्टिक. त्याने 2004 मध्ये घोषणा केली होती की तो लवकरच लोकांना अंतरिक्ष भ्रमण करण्यासाठी सुरूवात करणार. 17 वर्षांनी त्याचे स्वप्न पूर्ण झाले. सत्तरीत तो स्वतः अंतरिक्ष फिरून आला. आता लवकरच सामान्य माणसाला अर्थात फक्त पैसेवाल्यांना अंतरिक्ष भ्रमण करणे सहज शक्य होणार. (आणि त्यातून भरमसाठ पैसे कमवणार.) काही कालावधी लोटला कि त्यात ही होड लागणार. कारण जगात बोटावर मोजता येतील इतक्या लोकांकडे जगाची अर्धी संपत्ती एकवटली आहे. मला तर वाटते पन्नास शंभर वर्षांनी जसे पूर्वी राजे महाराजे होते तसे धनाढ्य लोकं जगावर राज्य करतील. मग पुन्हा हुकुमशाही जन्माला येऊ नये म्हणजे मिळवली. शेवटी हे ही निसर्गचक्रच आहे. गोल फिरुन पुन्हा पुन्हा त्याच ठिकाणी आणून सोडते. एकमात्र नक्की कि भविष्यात या लोकांची मोठमोठी महालं या अंतरिक्षात म्हणजे ग्रहांवर असतील. आणि हजार वर्षांनी त्या ग्रहावरील लोक आपल्या कडे अंतरिक्ष मानव म्हणून भ्रमणाला येतील. 💐💐💐💐💐💐💐💐💐💐💐( 6421880 ) 💐💐💐💐💐💐💐💐💐

स्वप्ने डोळ्यांत साठवुन ठेवु नयेत,
कदाचित ती अश्रूंबरोबर वाहून जातील….. …
ती ह्रुदयात जपून ठेवलीत तर
ह्रुदयाचा प्रत्येक ठोका,
ही स्वप्ने पुर्ण करण्याची
प्रेरणा देईल….!
🌹शुभ दिवस🌹

💐💐💐💐💐💐💐💐💐💐💐💐💐💐💐💐💐💐💐💐www.ownpoems.wordpress.com💐💐💐💐💐💐💐💐💐💐💐💐💐💐💐💐💐

सुर गवसला….

माझ्या मते जन्माला आलेल्या प्रत्येक माणसाला ईश्वराने बुद्धी ही दिलेली असते. एकदा एखादा अवयव जसे किडनी ज्याशिवाय जगणे शक्य असते किंवा एक ओठ कापलेला किंवा वाचा असे काही द्यायचे तो विसरतो पण मेंदू देणे विसरू शकत नाही. डोके दिले आहे म्हणजे त्यात कांदे बटाटे भरून थोडे च पाठवणार आहे तो. म्हणून मेंदू असतोच. अगदी ठार वेडा असला तरीही त्याला काही प्रमाणात समजतेच. फक्त समज कमी जास्त असते. आता प्रत्येकाला बुद्धिमान करून टाकले तर कोणी कोणाचे ऐकेल का? जसे सर्वांना धनवान करून चालत नाही तसे सर्वांना बुद्धिमान करून ही चालत नाही. एक पौराणिक कथा मी ऐकल्याचे आठवते. एकदा माता पार्वती आणि भगवान शंकर अंतरिक्षातून विश्व भ्रमण करत होते. अर्थात जगाचे निरिक्षण करत होते. एके ठिकाणी माता पार्वतीने पाहिले अत्यंत गरिब भिक्षा मागून जगणारी लोक दिसली तर दुसरी कडे अत्यधिक श्रीमंत लोक होती. माता दुखी झाली व देवाला म्हणाली, हे देवा, हा विरोधाभास का? काही लोक अत्यधिक गरीब तर काही खूप श्रीमंत. तुम्ही गरीबांना ही श्रीमंत करा ताबडतोब. देवांनी खूप समजूत काढली. पण मातेने ऐकले नाही. शेवटी देवाने तथास्तु म्हटले. आणि काय चमत्कार. विश्वातील सर्व जनता श्रीमंत झाली. जवळपास वर्षभरानंतर महादेव आणि माता पार्वती पुन्हा भ्रमणाला निघाले. तेव्हा मातेच्या लक्षात सर्व दूर घाणीचे साम्राज्य पसरलेले होते. देऊळ सुद्धा घाण झालेली होती. जिकडे तिकडे मारामाऱ्या, भांडण तंटे कोणी कोणाला जुमानत नाही. देवी उद्विग्न झाली. देवा हे काय आहे. हे बघून खूप वाईट वाटत आहे. देव म्हणाले, हे तुम्ही सर्वांना श्रीमंत करा असे म्हटले होते तसे आम्ही केले होते. त्याचेच हे परिणाम होत. देवी जर माणसाला बसल्या जागेवर काही मेहनत न करता सर्व मिळाले तर त्याला कोणाची काय आवश्यकता भासेल. तो दैनंदिन गरजा भागविण्यासाठी कामधंदा का करेल? दुखच नाही तर तो देवाची पूजा का करेल?

मित्रांनो, जेथे सुख असेल तेथे दुख असलेच पाहिजे. तेव्हाच तर सुखाचे महत्त्व कळते. पुण्य असेल तेथे पाप असणारच. नाही तर हे पुण्य आहे असे कळणार नाही. असो. तर मुळ मुद्दा असा होता कि काही लोकं जन्माला येताना नशीब ही घेऊन येतात. मध्यंतरी व्हाट्सएपच्या माध्यमातून एक व्हिडिओ समोर आला होता. त्यात एक ३-४ वर्षाचा मुलगा मोठा प्रसिद्ध चित्रकार असल्याचे दिसले. भारतीय असून पुण्यातील आहे पण केनेडा मध्ये राहतो. त्याची चित्र खूप विकली जातात. युट्युबवर अनेक व्हिडीओ आहेत त्याचे. विदेशी चैनलवर मुलाखती पण आहेत. नाव आहे अद्वैत कोलारकर. बी.बी.सी. न्यूज वरची बातमी होती. कदाचित मागच्या जन्मी तो मोठा चित्रकार असावा. त्याचे नाव युट्यूब टाकून सर्च केले कि असंख्य व्हिडीओ समोर येतात. आपण स्वतः बघा. त्याची स्वतः ची एक चैनल आहे. त्याची खाली दिली आहे. मी सबस्क्राईब केली आहे . https://youtu.be/DDyQRS7ON9U

मध्यंतरी असाच एक व्हिडीओ किंवा बातमी म्हणा पाहिजे तर व्हाट्सएपच्या माध्यमातून पाहिली होती. पुण्याजवळील शिरूर तालुक्यातील तळेगांव ढमढेरे या गावातील १२ वर्षांचा सोहम सागर पंडीत या मुलाने २५ ते ८० ग्राम वजनाची उपग्रहे त्याने बनवलेली. जगात सर्वात कमी वजनाची उपग्रहे बनवणारा हा अवलिया. मध्यंतरी त्याची ही उपग्रहे साइंटिफीक हेलियम बलून द्वारे सुमारे ३५ हजार मीटर उंचीवर सोडली होती. या लहान वयात त्याला अनेक आंतरराष्ट्रीय पुरस्कार मिळालेले आहेत. आणि गिनीज बुक मध्ये नोंद पण घेतली आहे. विशेष म्हणजे खेडेगावातील सरकारी शाळेत शिक्षण घेणारा हा मुलगा. त्याच्या शिक्षिका माधुरी शेजवळ यांचेही तोंडभरून कौतुक केले पाहिजे. त्यांनी मुलाला प्रोत्साहित करून मदत आणि मार्गदर्शन ही दिले.

अशी अनेक प्रतिभाशाली मुल जन्माला येत असतात. त्यांना योग्य वेळी योग्य मार्गदर्शन लाभले तर ठिक नाही तर ती प्रतिभा संपून जाते. गुगल गर्ल, चाणक्य अशा नावाने ही मुलं हल्ली सोशल मीडिया वर प्रसिद्ध आहेत. ही एक ईश्वरीय देणगीच म्हणावी लागेल नाही का? ( 5921875)

💐💐💐💐💐💐💐💐💐💐💐💐💐💐💐💐💐💐💐“आयुष्यात संयम ठेवा प्रत्येक गोष्ट वेळ आल्यावर होणारच आहे, प्रतिदिन प्रयत्नशील राहून आपलं काम अजून चांगलं करत रहा. तुम्हाला त्याच फळ वेळ आल्यावर नक्कीच मिळणार..!”शुभ सकाळ💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐www.rnk1.wordpress.com💐💐💐💐💐💐💐💐💐💐💐💐💐💐💐💐💐💐💐

ऑक्सिजन चे मुल्य

कोरोना ने आपल्याला खूप काही शिकवून दिले आहे. तसा माणसाचा स्वभावधर्म आहे कि जे मोफत असते त्याला शून्य लेखायचे. म्हणजे त्याचे महत्त्व कमी असे समजून घ्यायचे. जसे पाणी जवळजवळ मोफतच असते. निसर्गाने दिलेली एक देण आहे ती. पण मोफत असल्याने आपल्या लेखी त्याला अत्यल्प महत्त्व. वाटेल तस वापरायचं. ज्या भागात आठ आठ दिवस नळांना पाणी येत नाही. जेथे १०-१० मैलांवरुन पाणी आणाव लागत. अशा ठिकाणी राहणाऱ्या लोकांना विचारा पाण्याचे मोल काय असते ते.

अगदी ऑक्सिजन चे ही तसेच आहे. पाणी तरी डोळ्यांना दिसते. ऑक्सिजन तर दिसत सुद्धा नाही. त्यामुळे तिला महत्त्व आहे हे किंवा तिच्या अस्तित्वाची कल्पना आपल्याला नसते. आतापर्यंत दवाखान्यात गेल्यावरच तेही आयसीयु मधे रुग्णाला ऑक्सिजन दिल्याचे दिसत होते. पण आता रस्त्यावर लोकांच्या हातात, घरोघरी हे सिलिंडर दिसत आहेत. ऑक्सिजन अभावी लोकं मरत आहेत. आता माणसाला ऑक्सिजन चे व पर्यायाने निसर्गाचे महत्त्व पटले असेलच. अर्थात वन जंगल झाडे यांचे आपल्या साठी काय महत्त्व आहे हे लक्षात आले असेलच. आता तरी मानवाने डोळे उघडावे.

नॉर्मल माणसाला दिवसात दोन सिलिंडर ऑक्सिजन लागतो. असे ग्रुहित धरले. आणि एका सिलिंडर ची किंमत रु. ४००/- याप्रमाणे वर्षाला…. आणि साधारण पणे ६५ वर्षे आयुष्य असते असे मानले तर आपण….४००x२x३६५x ६५ =रु.१,८९,८०,०००/- म्हणजे जवळजवळ २ कोटी रुपयाची ऑक्सिजन आपण आयुष्यभरात प्राशन करतो. ती ही अगदी मोफत. ज्या अद्रुष्य शक्तिने हे ब्रम्हांड रचले आहे, हे ऑक्सिजन ची निर्मिती करणारे व्रुक्ष निर्माण केले आहेत, त्या अद्रुष्य शक्तिची कुठलीही क्रुतज्ञता व्यक्त न करता ही ऑक्सिजन आपण प्राशन करतो. आणि तेच ऑक्सिजन निर्माण करणारे व्रुक्ष आपण तोडतो. जंगल आपण तोडतो. परत ते उभ राहायला किती वर्षे जातात. अहो पुन्हा तसे जंगल उभे राहातच नाही. नैसर्गिक क्रिया असते ती आपल्या केल्याने होत नाही. मी जेथे लहानाचा मोठा झालो, तेथे लहानपणी घनदाट जंगल होते. हळूहळू ते नाही से झाले. आता परत तसे जंगल उभे राहिले नाही.

आता आपल्याला ऑक्सिजन चे महत्त्व पटायला लागले आहे. आता तरी झाडे लावण्याचे मनावर घेतील लोकं असे वाटते.

आता कोणती झाडे ऑक्सिजन देतात त्याच्या पोस्ट वायरल होत आहेत. त्यात वडाचे झाड ही येते. हे झाड सैकडो वर्षे टिकणारे आहे. घनदाट असल्याने ऑक्सिजन ही मोठ्या प्रमाणात देत असावे. मला वाटतं ह्या झाडाचे रोपण मोठ्या प्रमाणात झाले तर योग्य होईल. विशेष म्हणजे याच्या फांदीचे रोपण केले तरी ती जगते. मी स्वतः तसे केले आहे. जवळपास १५ वर्षे झाली असावीत. आता ते खूप मोठे झाले असावे. २-३ वर्षापूर्वी त्याचा फोटो मी मेरी नाशिक येथून मागवला होता. तो येथे टाकत आहे.

पूर्वी रस्त्याच्या दुतर्फा कडूनिंब आणि वडाची झाडे खूप लावलेली दिसायची. कदाचित त्याचे कारण हेच असावे. आता ती नाहीशी झालीत.

असो.

ता.क.:- आजच वर्तमानपत्रात चिपको आंदोलनाचे प्रणेते सुंदरलाल बहुगुणा यांचे निधन झाल्याची बातमी वाचली. त्यामुळे ही पोस्ट त्यांना समर्पित करतो.

झाडे लावा झाडे जगवा

हा मंत्र अंगी बाळगावा.

(4421860)

💐💐💐💐💐💐💐💐💐💐💐💐💐💐💐

जीवनात मागे बघाल तर

अनुभव मिळेल..

जीवनात पुढे बघाल तर

आशा मिळेल..…

इकडे -तिकडे बघाल तर

सत्य मिळेल…

आणि आपल्या स्वत:च्या आत मध्ये बघाल तर

आत्मविश्वास मिळेल

🙏🏻शुभ सकाळ🙏🏻

💐💐💐💐💐💐💐💐💐💐💐💐💐💐💐

http://www.ravindra1659.wordpress.com

💐💐💐💐💐💐💐💐💐💐💐💐💐💐💐

प्रोन पोजिशन…

मित्रांनो, कोरोना विषाणू आला आणि त्याने संपूर्ण जगाला कामाला लावले. जो तो त्यावरच बोलत असतो. गेले वर्ष सवा वर्ष जग या कोरोनाच्या जाळ्यात अडकून पडले आहे. कोणीही सांगू शकत नाही कि जग याच्या जाळ्यातून सुटेल अथवा नाही. किंवा कधी सुटेल? पण एक मात्र नक्की कि या काळात नवनवीन शब्द उदयास आले. ज्यांचा कधी उल्लेख ही कधी येत नव्हता किंवा काही शब्द तयार कोरोना च्या जन्मानंतर उदयास आले. प्रतिकार शक्ती किंवा जास्त प्रसिद्ध शब्द म्हणजे इम्युनिटी. हा शब्द दिवसभरात हजारो वेळा कानी पडत असावा. तसेच वाचनात ही येत असावा. तसाच आणखी एक शब्द आहे प्रोन पोजिशन. याला मराठी शब्द आहे ‘प्रवण स्थिती’. अर्थात मी मराठी भाषेत ही कधी ऐकलेले नाही असे हे शब्द. गुगल बाबांनी सांगितले ते मी येथे टाकले.  असो. आपल्या गावंढळ भाषेत सांगायचे झाले तर पालथे झोपणे हा सरळ सरळ अर्थ आहे.
अहो, मी तर कायम याच पोजिशन मध्ये झोपत आलोय. इतके फ्रेश वाटते बघा. का वाटते फ्रेश याचा आता उलगडा होतोय. किती अनाडी आहोत आपण म्हणजे मी हो, हे समजल्यावर स्वतः ला तोंड दाखवता येत नाही आहे.
खर सांगतो मित्रांनो, या प्रोन पोजिशन मध्ये झोपल्याने शांत झोप लागते. लवकर लागते. सकाळी उठल्यावर फ्रेश वाटते. याचे कारण जास्त ऑक्सिजन शरीरात जाते हे आहे. जे मला आता कळले आहे.
फक्त एक जेवण झाल्यावर लगेच या पोजिशन मध्ये झोपता येत नाही.

या कोरोना मुळे ही नवीन माहिती मिळाली. वापर करत होतो पण माहिती नव्हती. या स्थितीत झोपत होतो पण त्या स्थितीचे नाव माहिती नव्हते.

याशिवाय खालील पोजिशन मध्ये सुद्धा खूप छान झोप लागते.


तर मग प्रोन पोजिशन मध्ये झोपून बघा मित्रांनो, खूप छान वाटेल.
(वरील दोन्ही ईमज गुगलवरून)
(03721853)
💐💐💐💐💐💐💐💐💐💐💐💐💐💐💐
आयुष्य  अनुभवांची मालिका आहे, प्रत्येक अनुभव आपल्याला मोठे करित असतो.
💐💐शुभ सकाळ💐💐

💐💐💐💐💐💐💐💐💐💐💐💐💐💐💐
Www.ravindra1659.wordpress.com
💐💐💐💐💐💐💐💐💐💐💐💐💐💐💐

सुधीर…..

मित्रांनो, आजचा शिर्षक वाचता बरोबर जीवलग मित्र किंवा जवळचा एखादा नातेवाईक यांचा चेहरा डोळ्यासमोर आला असेल न. यायलाच पाहिजे. येथेच तर नात्यातील प्रेम दिसते. मनाला धीर येतो, उभारी येते. असा सुधीर प्रत्येकाच्या आयुष्यात असतोच. ज्याच्या जवळ दोन मिनिटे बोलल्यावर,( प्रत्यक्ष किंवा फोनवर.), दोन मिनिटे भेट घेऊन मन मोकळे केल्यावर हलके हलके वाटते. असा हा सुधीर. मग तो मित्र असो किंवा मैत्रीण किंवा एखादा नातेवाईक.

म्हणून माझी सर्वांना हात जोडून विनंती आहे मित्रांनो, आजच्या या कठीण प्रसंगी एक दुसऱ्या साठी सुधीर व्हा. आपलं मन मोकळं करा. बरे वाईट जसे असतील तसे विचार व्यक्त करा. स्वतः हून व्यक्त व्हा. मन हल्क होईल. मनावरचा ताण कमी होईल.

मित्रांनो, मी हे का लिहित आहे असा प्रश्न तुम्हाला पडला असेल. पडलाच पाहिजे. नाही तर लेख वाचनाला काही अर्थ उरत नाही. अर्थ समजून घेतला नसेल, त्यानुसार काही प्रमाणात वागत नसतील तर लिहून काय उपयोग. असो. जशी ज्याची मरजी….

बरीच उदाहरणं समोर येत आहेत कि ते लग्न समारंभाला किंवा इतर कुठल्या समारंभाला गेले होते. तेथून सोबत कोरोना घेऊन आले. एक एक करत घरातील बरेच सदस्य गेले. प्रवासात कोरोनाची लागण होते आहे. काही वेळा काय झाले हे लक्षात येत नाही. तीन चार दिवस निघून जातात. नंतर उशीर झालेला असतो.

दवाखान्यात आपल्या समोर लोकांना मरण येत असेल तर साहजिकच रुग्ण घाबरून जातो. मरणाच्या बातम्या व दररोज ची रुग्ण संख्या बघून धडकी भरते. नुसत नाव जरी काढल तरी ह्रुदयाचे ठोके थांबतात.

अशा नकारात्मक परिस्थितीत मला वाटतं आपल्या मित्र मंडळींशी, नातेवाईकांशी मोबाईल वर का होईना बोलत राहिले, एक दुसऱ्याला धीर देत राहिले तर मनाला आधार मिळतो. मनुष्य दुःख सहन करण्यासाठी मानसिकरित्या तयार होतो.

हा काळ भयावह आहे. नातेवाईक सुद्धा जवळ येण्यास घाबरत आहेत. दवाखान्यात एकटे रहावे लागते. अशा परिस्थितीत मोबाईल हाच आधार आहे. सतत संपर्कात राहून धीर दिला तर रुग्णांना काही प्रमाणात नक्कीच फायदा होईल असे मला ठामपणे वाटते.

(03621852)

💐💐💐💐💐💐💐💐💐💐💐💐💐💐💐

“प्राजक्ताची फुले गुंफताना दोरासुद्धा रंगीत होतो, गंधीत होतो. त्याप्रमाणे चैतन्यमय माणसांत राहिल्याने मन सदैव टवटवीत राहते, प्रत्त्येक घरात अशी माणसे असावीत ज्यांच्या असण्यानेच त्यांच्या घरातील व त्यांच्या संपर्कात येणाऱ्या प्रत्त्येकांची मने विवेक-विचारांनी, ज्ञानाच्या अमृतकणांनी भरल्याशिवाय राहणार नाहीत…!!”

सुप्रभात

💐💐💐💐💐💐💐💐💐💐💐💐💐💐💐

http://www.ravindra1659.wordpress.com

💐💐💐💐💐💐💐💐💐💐💐💐💐💐💐

प्राणवायू…।

ब्रम्हांडात अजून तरी माहिती नाही, पण कदाचित संपूर्ण धरणीवर जगण्यासाठी जी पंचमहाभूते आवश्यक आहेत त्यातील वायु ही एक आहे. प्राणवायू अर्थात ऑक्सिजन हा त्याच वायुमंडलातील एक घटक असून तो ऑक्सिजन शिवाय कुठल्याही जिवंत मानव अगर प्राण्याला जगणे अशक्य आहे. ज्याने या ब्रम्हांडाची परिपूर्ण विचार करून निर्मिती केली त्या अद्रुष्य शक्ती ला दंडवत प्रणाम.

जेव्हा पासून हे ब्रम्हांड अस्तित्वात आले आहे तेव्हा पासून ही पंचमहाभूते व पर्यायाने ऑक्सिजन अस्तित्वात आहे. पण असा गैसचे ब्रम्हांडात अस्तित्व शोधून काढले ते प्रथम सन १७७२ मध्ये कार्ल शैले या वैज्ञानिकांनी. परंतु त्यांचा लेख १७७७ पर्यंत अप्रकाशित राहिला. दरम्यान सन १७७४ मध्ये जोसेफ प्रिसले यांनी मरक्युरी ऑक्साईड गरम करून ऑक्सिजन तयार केली.

कदाचित तेव्हा या दोन्ही महानुभावांना ऑक्सिजन हा प्राणवायू असून जगण्यासाठी अत्यावश्यक आहे हे माहीत ही नसेल. विशेष म्हणजे या दोन्ही पैकी कोणीही या वायुचे ऑक्सिजन हे नामकरण केलेले नाही. हे काम केले आहे एंटोनी लैवोइजियर यांनी.

तत्पूर्वी कुठल्याही वस्तुला जळण्यासाठी एक बाहेरील घटक आवश्यक असतो असे बऱ्याच वैज्ञानिकांनी शोधून काढले होते पण परिपूर्ण माहिती नव्हती. शाळेत हे आपण शिकलो होतो पण आता लक्षात नाही.

हल्ली टिव्हीवर ऑक्सिजन वर रणकंदन सुरू असल्याने गुगल बाबांना माहिती विचारली तर ऑक्सिजनचा इतिहास अत्यंत रोचक आहे असे दिसले. असो.

मित्रांनो, ह्या कोरोनाने संपूर्ण जगाला ( चीन वगळून) वर्षभरापासून ऑक्सिजनवर ठेवले आहे. प्रत्येक मनुष्य धाकात जगत असेल; अर्थात ही माझी समज असावी कारण हे खरे असते तर लोकांना मास्क वापरायचे कायदे करून ही परत परत सांगावे लागले नसते. मास्क लावल्याने ऑक्सिजन कमी पडून गुदमरते म्हणून तो मास्क खाली गळ्यात केला जातो असे कारण सांगतात. हे काही प्रमाणात खरे ही आहे. पण आतापावेतो सवय व्हायला हवी होती. एक माझा अनुभव आहे की मानसिकता तयार केली तर दिवसभर जरी मास्क राहिला तरी त्रास जाणवणार नाही. सुरुवातीला मला ही गुदमरल्या सारखे व्हायचे. आता काही ही त्रास होत नाही. दोन तीन तास बाहेर राहिलो तरी काही वाटत नाही.

पण बाबांनो, असे मास्क लावून गुदमरणे सहन केलेले योग्य कि कोरोनाने कायमस्वरूपी गुदमरून मेलेले योग्य? आता हे तुम्हीच ठरवा . हे मी नव्हे तो यमराज म्हणत असेल हो.

अहो, बातम्या बघा. देशभरातून ऑक्सिजन की कमतरता असल्याच्या बातम्या येत आहेत. ऑक्सिजन अभावी रुग्णांना आपले प्राण गमवावे लागले आहेत. अशी परिस्थिती येऊ नये म्हणून आपण विनाकारण घराबाहेर पडू नये.

ज्याचं जळतं त्यालाच कळतं. प्रसंग उदभवल्यावर आपण काहीच करु शकत नाही याचे भान ठेवा.

आता प्रत्येकाला निसर्गाने दिलेल्या बहुमुल्य वायुचे महत्त्व कळत असावे. म्हणून तर जो तो ऑक्सिजन सिलेंडर विकत घेऊन घरात ठेवत आहे. कदाचित मला काही झाले तर? अशा भिती ने सर्व घाबरत आहेत. ही परिस्थिती भयावह आहे. हे भविष्य काळासाठी चांगले संकेत नाहीत मित्रांनो.

दोन तीन दिवसांपूर्वी बातमी वाचली होती की डॉक्टर म्हणतात आम्हाला प्रश्न पडतो म्हाताऱ्या रुग्णांना वाचवायचे कि तरुण रुग्णांना?

अशावेळी तरुण रुग्णांना वाचविणे महत्त्वाचे असते. त्यांना प्राधान्न्य दिले जाते. जे योग्य ही आहे.

म्हणून म्हणतो मित्रांनो, शक्य तोवर घरीच थांबलेले बरे. खूपच गरज असेल तरच बाहेर पडले पाहिजे. विनाकारण रस्त्यावर गर्दी करु नये.

घरीच रहा सुरक्षित रहा.

झाडे लावा झाडे जगवा

(03321849)

💐💐💐💐💐💐💐💐💐💐💐💐💐💐💐

ऐकणं महत्वाचं आहेच, पण त्यापेक्षाही महत्वाचं आहे ते आचरणात आणणं…किती ऐकलं यापेक्षा आचरणात किती आणले, हे जास्त महत्त्वाचं…
काळजी घ्या, सुरक्षित रहा….
——————————————————-
💐 शुभ सकाळ 💐

💐💐💐💐💐💐💐💐💐💐💐💐💐💐💐

http://www.Ownpoems.wordpress.com

💐💐💐💐💐💐💐💐💐💐💐💐💐💐💐

क्वारंटाईन

मित्रांनो, जगात कोरोना ने जन्म घेतला आणि दररोज नवनवीन शब्दप्रणाली ने ही जन्म घेतल्याचे निदर्शनास यायला लागले. जसे पूर्वी वायरस हा शब्द क्वचितच कानी पडायचा. बहुतेक पावसाळा आला कि वायरल इन्फेक्शन हे शब्द ऐकायला यायचे. तेव्हा गळा खवखवणे, ताप येणे थंडी वाजणे हि लक्षणे दिसणारच. डॉक्टरांकडे गेलात तर जवळजवळ सर्व रुग्ण ह्याच लक्षणांची दिसायची.
आता घरात एखाद्याला एखादी शिंक आली कि धस्स होते. काय झाले असेल याला असे सतत वाटत असते. काही बोलता ही येत नाही. मनातल्या मनात विचार घर करत राहतात.

आणखी प्रचंड प्रमाणात प्रचलनात असलेला नवीन शब्द म्हणजे क्वारंटाईन. दिवसातून अनेकदा हा शब्द कानावर पडतो. ह्या इवल्याशा अद्रुष्य निर्जीवाने म्हणजे कोरोनाने संपूर्ण जगाला घरात क्वारंटाईन केले आहे. तसा हा शब्द नवीन नाही. डिक्शनरी मधीलच आहे. पण तो माणसासाठी वापरला जात नव्हता. हा साक्षात्कार मला परवाच झाला. संगणकावर मी नेहमी एँटीवायरस टाकतो. मागच्या १५ वर्षांपासून टाकत आहे. एकदम तीन वर्षांचे पेकैज घेतले की स्वस्त पडते. त्यात मला हा क्वारंटाईन शब्द सापडला. संगणकात जे वायरस घुसतात, त्यांना क्वारंटाईन करू ठेवले जाते. पण या शाश्वत जगात तर उलटेच घडले आहे. एका वायरस ने माणसाला क्वारंटाईन करून टाकले आहे. ही भविष्यात घडणाऱ्या घडामोडींची चाहूल तर नाही न! भविष्यात मशीन युग असेल आणि तेव्हा रोबोट माणसावर राज्य करेल असे भाकित काही वैज्ञानिकांनी केले आहे असे कधी तरी वाचण्यात आले होते असे आठवत आहे.

अरे हो. आता आठवले. मी त्याकाळात एक सिनेमा पाहिला होता वेलकम टू ट्वेन्टि थर्ड सेंच्युरी. म्हणजे २३ व्या शतकात जग कसं असेल हे त्यात चित्रित केले होते. ही त्याचीच झलक असावी. असो.

(12220790)

💐💐💐💐💐💐💐💐💐💐💐💐💐💐💐

आयुष्याने शिकवलेलं एक वाक्य…
“जिंकलो तर आवरायचं आणि हरलो तर सावरायचं…”
🌼🌹 शुभ सकाळ🌹🌼

💐💐💐💐💐💐💐💐💐💐💐💐💐💐💐

http://www.koshtirn.wordpress.com

💐💐💐💐💐💐💐💐💐💐💐💐💐💐💐

सुपरसोनिक विमान

मित्रांनो, मी पहिला विमान प्रवास केला होता तो आंतरराष्ट्रीय होता. पहिल्यांदाच विमानात बसणार होतो. प्रचंड भिती वाटत होती. मला आठवते कि मुंबई येथून सिंगापूर येथे गेलो होतो. तसे विमान सिडनीला जाणारे होते. आणि आम्हाला जापानला जायचे होते. सिंगापूर हून जापान एअरलाईंन्सचे बोईंग पकडले. शब्दशः जाऊ नका हो. पकडले म्हणजे धावती लोकल पकडतो तसे धावते विमान पकडले नाही मी. तसे आपल्या भारतीय लोकांना मुख्यतः मुंबईकरांना याची सवय झालेली असल्याने ते ही शक्य होऊ शकते. तशी परवानगी नसते न पण.😊

असो. मला आठवते तेव्हा विमान १८००० फुटांवर जाऊन स्थिरावले होते. म्हणजे ती उंची गाठली कि त्याच उंचीवर ते उडत राहिले. आणि गती सुध्दा १५००० फुट प्रति तास अशीच काहीतरी होती.

पण आताच मी एक बातमी वाचली कि आता प्रवासी विमान सुपरसोनिक गतीने भरारी घेणार आहे. मी येथे ती बातमीच शेअर केली आहे. तुम्ही ही वाचा. आश्चर्य जनक किंतु सत्य असेच म्हणावे लागेल.

बर हे विमान किती उंचीवर उडेल असे वाटते. तर ती उंची असेल ६०००० फुट म्हणजे १८.२८८ किमी. एव्हढ्या उंचीवरून विमान उडणे भयावह असेल. बातमीत लिहिले आहे कि हा प्रवास अंतरिक्षातून असेल आणि प्रवाशांना वजन विरहित वाटेल.

बर विमानाची गती किती असेल. तर ती ३७०० किमी/तास म्हणजे किती हो. तर ते होते १,२१,३९,१०० फुट. अबब. १ कोटी २१लक्ष फुट एका तासाला? कल्पनाच करवत नाही. बातमी तरी तसच सांगत आहे. हे लिहिता लिहिताच मला धडकी भरली आहे मित्रांनो. हे विमान कमीत कमी ९ व जास्तीत जास्त १९ प्रवाश्यांना घेऊन जाणार बस.

आता तुम्ही च वाचा ती बातमी. मला जाम भिती वाटायला लागली आहे.

https://news.sky.com/story/virgin-galactic-working-on-2-300mph-supersonic-jet-that-could-reach-sydney-in-five-hours-12042007

तर मित्रांनो, ही रोमांचक बातमी अवश्य वाचा.

(11820786)

💐💐💐💐💐💐💐💐💐💐💐💐💐💐💐💐

“चूक नसताना सुध्दा
निव्वळ वाद टाळण्याकरिता
मागितलेली माफी
जीवनातील संयमाचं
एक मोठं उदाहरण ठरतं !!”

🌹शुभ सकाळ🌹

💐💐💐💐💐💐💐💐💐💐💐💐💐💐💐💐

http://koshtirn.wordpress.com/

💐💐💐💐💐💐💐💐💐💐💐💐💐💐💐💐

अभिमान…

माणसाला थोडा जरी पैका जवळ आला कि त्याचा अभिमान वाढतो. त्याला आकाश ठेंगणे वाटायला लागते. काय करू आणि काय नाही असे होऊन जाते. आपल्या जवळची सर्व माणसे त्याला तुच्छ वाटायला लागतात. हा निसर्ग नियम प्रत्येक प्राण्याला लागू पडतो बर का? माणूस असो अगर प्राणी येथून तेथून सारखेच. इतकेच कशाला वनस्पतींना सुद्धा हा नियम लागू पडतो. एरव्ही ऐटीत उभी असलेली झाडे वादळाने कशी झुकून जातात माहित आहे न. अक्षरशः आडवी होतात. तेव्हा कुठे जातो त्यांचा तो ताठरपणा, तो अभिमान!हे विचार मनात येण्याचे कारण शेवटी कोरोनाच. हा अतिसूक्ष्म निर्जीव विषाणू. कोठून आला आणि जगाला कोठे नेऊन ठेवले आहे. यापुढे कोठे नेऊन ठेवणार आहे हे कदाचित देव सुद्धा सांगू शकत नाही अशी आता माझी खात्री होत चालली आहे.जे शिखरावर होते जसे अमेरिका त्यांना लोटांगण घालायला भाग पाडले आहे त्याने. त्याच्या पुढे धनवान – गरीब, नेता- जनता, लहान-मोठा असा काहीच भेदभाव नाही. इतकेच कशाला? मोठ्या अभिमानाने शिर उंचावणारी शहरं न्युयार्क आणि मुंबई यांना सुद्धा शरमेने मान खाली घालायला भाग पाडलय त्याने. ज्या शहरात २४ तास वर्दळ असते, जे शहर कधी झोपत नाही ते शहर श्मशानासारखे सूनसान झाले आहे. हा फोटो बघा. जर तुम्ही मुंबई बघितली असेल तर आठवून बघा येथे किती गर्दी असते माणसांची. काही वर्षांपूर्वी असे वाचण्यात आले होते कि मुंबई सिएसटी स्टेशन वर एका दिवसात ५० लक्ष लोकं भेट देतात. कदाचित आकडा थोडाफार कमी जास्त असेल. पण मुद्दा तो नाही. इतक्या गजबजलेल्या शहराची काय अवस्था केली आहे. ती ही एका विषाणू ने. (मित्रांनो, आता लॉकडाऊन शिथिल केले असल्याने काही प्रमाणात वर्दळ सुरू झाली आहे. तो विषय वेगळा.)

मुळ मुद्दा हा आहे कि माणसाने कुठल्याही गोष्टींचा अभिमान कधी बाळगू नये. ज्याने अभिमान बाळगला त्याला निसर्ग त्याची जागा दाखवतोच.जंगलाचा राजा सिंह किंवा वाघ किती ताकदवान आहेत. पण यूट्यूबवर किंवा जिओग्राफिक चैनलवर व्हिडीओ पाहिले असतीलच. जेव्हा जिवावर बेतते तेव्हा जंगली म्हैस सुद्धा त्याला हाकलून लावते. असो. रामराम.

(10420772)

💐💐💐💐💐💐💐💐💐💐💐💐💐💐💐ह्या जगात प्रत्येक गोष्ट सुंदर आहे पण ती तुमच्या विचारांवर आणि बघण्याच्या दृष्टिकोनावर अवलंबुन आहेजशी सकाळची शाळा भरतांना घंटेचा आवाज कर्कश वाटतो पण त्याच घंटेचा आवाज शाळा सुटतांना कानाला मंजुळ वाटतो💐शुभ सकाळ💐💐💐💐💐💐💐💐💐💐💐💐💐💐💐💐www.rnk1.wordpress.com💐💐💐💐💐💐💐💐💐💐💐💐💐💐💐

होमाफिस

नवीन वर्ष उजाडल्या उजाडल्या जगावर एक महाभयंकर संकट येऊन पडले. नाही नाही. ते काही महाकाय संकट नाही कि एखादी उल्का ही नाही. ते आहे एक अतिशय सूक्ष्म साध्या डोळ्यांना न दिसणारा निर्जीव असा अतिसूक्ष्म विषाणू.अशा ह्या निर्जीव अतिसूक्ष्म विषाणू ने सजीव व महाकाय अशा या पृथ्वीची दारूण अवस्था करून टाकली आहे. संपूर्ण जगातील माणसे घरात बंदिस्त होऊन बसली आहेत आणि प्राणी स्वच्छंद फिरत आहेत. असो, फिरो बिचारे.पण यामुळे जीवनशैली बदलत चालली आहे. अनेक परिवर्तनांपैकी वर्क फ्रॉम होम ही एक नवशैली अस्तित्वात येऊ पहात आहे.मी ह्या नवशैलीला शॉर्ट नाव “होमाफिस” असे दिले आहे. असे का? तर यांच्या साठी घरच ऑफिस झाले आहे. होम आणि ऑफिस यांची संधी करून होमाफिस हा शब्द योग्य वाटला.इंटरनेटवर काम करणारी जवळ जवळ सर्वच मंडळी होमाफिस चालवत आहेत. मला वाटते यापुढे बहुतेक कंपन्या याच पद्धतीने काम करणे पसंत करतील.याने कंपन्याची फार मोठी बचत संभवते. जसे, १) मोठमोठ्या इमारतीमध्ये ऑफिस सुरू करायची गरज भासणार नाही. फक्त अत्यावश्यक असेल त्याच कर्मचाऱ्यांना बैठकीसाठी बोलवावे लागेल. याने खूप मोठी बचत होईल.२) ऑफिस छोटे असेल तर फर्निचर कमी लागेल, विज कमी लागेल, पाणी कमी लागेल, इ. बराच खर्च वाचेल. याबदल्यात कर्मचाऱ्यांना घरीच एक छोटे कार्यालय सुरू करण्यासाठी आपूर्ती करता येईल.३) कर्मचाऱ्यांना कार्यालयात येण्या- जाण्यासाठी वाहन व्यवस्था करण्याची गरज नसल्याने मोठा खर्च वाचेल.४) कंपनीचा इतर ही बराच खर्च कमी होऊ शकेल.तसेच कर्मचारी सुद्धा घरीच रहात असल्याने कुटुंबासोबत जास्त वेळ घालवू शकतील. मुलाबाळांच्या संगोपनात कमतरता राहणार नाही. पति पत्नी दोन्ही नौकरी करत असल्यास त्यांना एकाच छताखाली दररोज राहाता येईल. यामुळे परस्पर जिव्हाळा वाढेल.असे खूप फायदे होतील. मला ओझरते आठवते कि मध्यंतरी वर्तमानपत्रात बातमी झळकली होती कि केंद्र सरकारचे काही कर्मचारी घरून काम करणार आहेत. हे खरे असले तर हा केव्हढा मोठा बदल म्हणावा लागेल.यापुढील आपले आयुष्य व येणारे जग हे वेगळेच असणार आहे हे नक्की.

(9620764)

💐💐💐💐💐💐💐💐💐💐💐💐💐💐💐

आपण जगासाठी
एक व्यक्ती आहात,
परंतू कुटुंबासाठी आपण
संपूर्ण जग आहात”
म्हणून स्वतःची काळजी घ्या
!! घरी राहा – आनंदीत राहा !!
!!…शुभ प्रभात…!!

💐💐💐💐💐💐💐💐💐💐💐💐💐💐💐www.ravindra1659.wordpress.com💐💐💐💐💐💐💐💐💐💐💐💐💐💐💐