नाबाद ९७

फिल्म जगताचा एके काळचा बादशहा, अप्रतिम अभिनय क्षमता असलेला अशा एका अभिनेत्याने परवा ९७ वा वाढदिवस साजरा करून ९८ व्या वर्षांत पदार्पण केले आहे. ह्या अभिनेत्याचे नाव आहे “दिलीप कुमार”. इतके आयुष्य लाभलेला हा एकमेव अभिनेता असावा असे मला वाटते.

मधुबन मे राधिका नाची रे, कोई सागर दिल को बहलाता नही, अशा सुमधुर व सुश्राव्य गीतांची आठवण होते जेव्हा या कलाकाराची आठवण येते.

तुम जिओ हजारो साल……

(19649B)

सौ.वाढदिवस…

जन्माला आल्यानंतर दरवर्षी एक दिवस प्रत्येकाच्या आयुष्यात न चुकता येतो. तो म्हणजे वाढदिवस. नावावरूनच कळते कि हा वाढ होण्याचा दिवस असतो. जन्मापासून खरोखर हा वाढदिवस असतो. कारण शारीरिक वाढ ही दररोज होतांना दिसून येते. अगदी लहान असतो तेव्हा सर्वांकडून कौतुक होत असते. ७-८ वर्षे वय झाले कि बाळ त्रास द्यायला लागते आणि मग त्याचे गाल लाल होत असतात. नाही नाही ही आताची गोष्ट नाही. आमच्या काळातील आहे. सुमारे ५० वर्षापूर्वीचा तो काळ. आता तर मुलांना रागवायचे सुद्धा नाही असे आहे. पूर्वी वडिलांसमोर उभे राहणे तर सोडा समोर येता ही येत नव्हते. मग आईचे कान कोरायचे. आई सुद्धा सहजासहजी वडीलांच्याकडे बोलू शकत नव्हती. ती वेळकाळ बघूनच विषय काढून मान्य करवून घेत असे. यात फक्त आईचाच हातखंडा असायचा. पण बर्याच वेळा वडील आईचे ही ऐकत नसायचे. अर्थात हे मुलांच्या मागणी वर अवलंबून असायचे. असे झाले तर आई मुलांना शेवटचे सांगून टाकायची कि तुझे बाबा ऐकत नाहीत.

तेव्हा मुलांची गोची व्हायची. मग ती आजीचे कान कोरायची. आजीने मनावर घेतले आणि तिच्या लेकराला समजावून सांगू शकली तर मुलांच्या प्रयत्नांना येत असे. यात फार गंमत वाटायची. मुलांना मजाही खूप यायची. आनंद ही तितकाच घ्यायचे. आता मात्र तसा मजा नाही कि गंमत ही नाही. मुलं सहज वडिलांना सागू शकतात बोलू ही शकतात. इतके च कशाला हट्ट ही धरु शकतात.असो विषयांतर खूप मोठे झाले बर का! क्षमस्व!

तर काल (९) आमच्याकडे सौंचा वाढदिवस होता, म्हणून पोस्टचा शिर्षक “सौ. वाढदिवस” असा ठेवला आहे; हे लक्षात आले असेलच.

आमच्याकडे वाढदिवस सहसा साजरा करत नाहीत. लक्षात ही राहत नाही. माझा वाढदिवस तर मला लक्षात राहत नाही. जन्मतारीख विचारली तर माहिती लक्षात असते. पण आजची तारीख काय आहे हे लक्षात ठेवत नाही. घरच्यांनी आठवण दिली तर ठिक नाही तर. हल्ली लक्षात ठेवणे आवश्यक नसते. सोशल मीडिया तुम्हाला व तुमच्या सर्व मित्रांना आठवण करून देत असते. याशिवाय तुम्ही बर्याच ग्रुपमध्ये असतात. तेथील काही मंडळी नोंद ठेवतात. ते योग्य वेळी शुभेच्छा संदेश टाकतात.

असो तर अशाप्रकारे सौंचा वाढदिवस साजरा झाला आणि आणखी एक पूर्ण वर्ष त्यांच्या आयुष्यात सम्मिलित झाले.

(19617)

💐💐💐💐💐💐💐💐💐💐💐

💐💐शुभ सकाळ💐💐

प्रामाणिक नाती पाण्यासारखी असतात. रंग नाही, आकार नाही, ठिकाण नाही तरी सुद्धा जीवनासाठी महत्वाची असतात.💐💐

http://www.ownpoems.wordpress.com

💐💐💐💐💐💐💐💐💐💐💐

अभियंता दिनाच्या शुभेच्छा..(19563)

मित्रांनो, आज १५ सेप्टेंबर, श्रीयुत मोक्षगुंडम विश्वेश्वरय्या यांचा जन्मदिवस. सन १९१२ ते१९१९ या काळात मैसूर राज्याचे दीवान राहिलेले श्रीयुत मोक्षगुंडम विश्वेश्वरय्या जे एक अभियंता होते त्यांना आदरांजली म्हणून हा दिवस दर वर्षी आपल्या देशात “अभियंता दिवस” म्हणून पाळला.

त्यांनी पुण्यातील कॉलेज ऑफ इंजिनिअरिंग येथून डिग्री मिळविली होती.

जगभरात इतर ही काही देश आपल्या देशातील विशिष्ट अभियंत्यांना आदरांजली म्हणून अभियंता दिवस पाळतात.

१) अर्जेंटिनामध्ये १५ जून रोजी अभियंता दिन पाळला जातो. १५ जून, १८७० रोजी लुईस हुर्गो आर्जेन्टिना मधील पहिला अभियंता झाला.

२) कोलंबियामध्ये ऑगस्ट १७रोजी अभियंता दिन पाळला जातो.

३) इराणमध्ये फेब्रुवारी २४ रोजी अभियंता दिन पाळला जातो. हा दिवस इराणी शास्त्रज्ञ तत्वज्ञ नसीर अल् दिन अल् तुसी याच्या स्मरणार्थ पाळला जातो.

४) मेक्सिकोमध्ये जुलै १ रोजी अभियंता दिन पाळला जातो

वरील माहिती मराठी विकीपेडियावरून मिळाली आहे.

२५ पुर्ण

२५ म्हणजे पाव! हो न? हा २५ चा आकडा आयुष्यात फार महत्वाचा मानला जातो. २५ दिवस, २५ महिने, २५ वर्ष यांना फार महत्व असत. त्यानंतर ५०, ७५ आणि शेवटी १००. यांना महत्व दिल गेल आहे. २५ म्हणजे सिल्वर जुबली, ५० म्हण्जे गोल्डन, ७५ महणजे ्डायमंड आणि १०० शतक.

आयुष्यात असे दिवस येतात कि ते आठवणित राहतात. मुलगा/मुलगी २५ वर्षाचे झाले की त्याला महत्व असते. तसेच लग्नला २५ वर्ष झाली की तो दिवस साजरा केला जातो. आज आमच्या लग्नाचा २५ वा वाढदिवस. आम्ही साजरा केला नाही, पण हा दिवस कायम आठवणित राहावा म्हणुन हा प्रपंच.

१५ जुन १९८६ ह्या दिवशी आम्ही कायमचे एक दुजे चे झालॊ होतो. म्हनजे आमचे लग्न झाले होते हो. प्रेम विवाह नव्हे. २५ वर्ष कशी संपली काही कळलेच नाही. जीवन कसे असावे? चटपटीत जेवणासारखे! त्यात सर्व माल मसाले असले तरच मजा येते. नाही तर जेवण संपले तरी पोटात भुक राहाते.

तसेच जीवनाचे ही असते. सहज तर सर्वच जगतात. त्यात थोडे मिठ, मसाले घातले कि जीवनाचा स्वाद बदलुन जातॊ. खुप प्रेम, मधुनच भांडण, मग त्यावर लोणी लावणे, आणि मग लोणचं तोंडी लावून मजेदार जगणे म्हण्जे जिवन.

असेच जीवन जगुन आयुष्याची ही २५ वर्ष संपवली.

उपरवाल्याने चप्पर फाड के दिलेली अफाट दुःख फुलासारखी आनंदाने झेलत इथ पर्यंत आलो आहोत. त्याच्या क्रूपेने पुढील आयुष्य सुखाचे जावो हीच प्रार्थना आहे.

माझा वाढ दिवस

मित्रांनो आज माझा खरा खुरा वाढ दिवस! गम्मत वाटली न! अशीच परिस्थिती आहे. पूर्वीच्या काळी आई वडील सुशिक्षित नसल्याने मुलांचे वाढ दिवस लक्षात ठेवत नसत. किंवा माहित नसत. इंग्रजी तारखांचे तर शक्यच नाही. त्यांची पंचाईत होत असे शाळेत नाव घालायच्या वेळी.( नशीब आपले शाळेत नाव घातले म्हणून आज येथवर येऊन पोहोचलो 🙂 ) शिक्षकांनी जन्म तारीख विचारली कि त त प प व्हायची. मग काही तरी सांगून टाकायचे किंवा तुम्हाला वाटेल ती तारीख लिहा पण शाळेत नाव घाला. शिक्षक बिचारे काय करतील. जवळची तारीख म्हणजे १ जून. जेव्हा  शाळेत नाव घालायचे तेव्हाची १ जून पकडून मागचे सहा वर्ष मोजायचे आणि ती जन्म तारीख लिहायची झाले.

काही वर्षांपूर्वी गावी माझा जन्म कधी झाला हे शोधून काढले तर तारीख मिळाली १५ फेबृवारी. तेव्हापासून आम्ही हा वाढदिवस साजरा करायला लागलो. साजरा करणे म्हणजे जास्त काही नाही फक्त सकाळी उठल्यावर घरच्यांनी शुभेच्छा देणे. मनात आले तर काही तरी गोड करून खाणे.

तुम्ही विचारलं माझे वय किती? कोणाला वय विचारायचे नसते हो! 🙂

 

आज त्याचा वाढदिवस

मित्रांनो १५ मे १९८७ हा त्याचा वाढदिवस. तो त्या दिवशी जन्मला आणि क्षणिक आनंद देऊन गेला. आज तो असता तर २३ वर्षाचा झाला असता. मन रडते आहे. देवा काय वाईट केले होते रे मी कि तू त्याला लगेचच बोलावून घेतले.

मित्रांनो आजच्याच दिवशी माझ्या पहिल्या मुलाचा जन्म झाला होता. पण तो आनंद देवाजीने जास्त दिवस मला उपभोगू दिला नाही.  ४ महिन्यांनी तो गेला. आणि आयुष्य भारासाठी आठवण ठेवून गेला. मनातील दुखः कोणाजवळ बोलून हि दाखविता येत नाही. मनातल्या मनात दाटून राहते. रडता हि येत नाही. आज आपल्या मनातील दुखः शेअर करावे असे वाटले म्हणून येथे टाकले आहे.

त्याचे काय झाले कि मी नेत वर बसलो होतो तर मस्कत येथे राहत असलेली अनुजा ओं लाईन आली. काही दिवसांपूर्वी तिची आई वारली होती. त्याबद्दल आपल्या मनातील दुखः व्यक्त करीत होती कारण मनातील भावना व्यक्त केल्या तर मन हलके होते. तेव्हा १५ मे सुरु झाले होते. मला अचानक माझ्या मुलाची आठवण झाली आणि त्यावरून पोस्ट लिहायला घेतली. मित्रांनो कदाचित हि पोस्ट एकदम खाजगी असल्याने काही मित्रांना आवडणार हि नाही. पण तसे वाटले तर जरूर कळवा मी पोस्ट काढून टाकेल.