विविध भावमुद्रा…

मित्रांनो, मी रिकामटेकडा म्हणून सहज संगणकावर एम.एस. पेंट वर चित्र काढत होतो. सर्कल टूल पूर्ण भरीव घेऊन काळे डोळ्यातील बुब्बुळ काढली. त्यात नंतर पाढरी ठिपकी काढली. असे डोळे व नंतर ओंठ काढले. हेच सर्कल टूल घेऊन त्यावर चेहरा काढत असताना कल्पना सुचली. सर्कलचा आकार बदलला तर चेहरामोहरा बदलू शकतो असे वाटले. म्हणून मी प्रयोग करून पहायचा असे ठरवले. आता मी सर्कल टूल धरून आकार बदलत गेलो. त्याने आश्चर्य झाला. जस जसा सर्कल चा आकार बदलत गेला चेहर्याचे हाव भाव ही बदलत गेले. बघा खालील चित्रे.

प्रथम मी १ नं.चे चित्र काढले ज्यात फक्त डोळे आणि ओंठ दिसत आहेत. तदनंतर चित्र क्र. २,३,४……९, प्रत्येक चित्रात भाव मुद्रा वेगळ्या दिसतात. कुठे समोर चालत असून मागे वळून तिरक्या नजरेने बघणारा, तर कुठे समोर उभा असतांना तिरपा पाहणारा,कुठे डोळे वटारून पाहणारा, तर कुठे मिस्कील कटाक्ष टाकणारा अशा विविध भावमुद्रा दिसून येतील.

चित्र क्र. २ :- पुढे चालत असताना मागे वळून पाहणे

चित्र क्र. ३:- पुढे चालत जाताना मागे कटाक्षाने पाहणे

चित्र क्र. ४:-पुढे चालत असताना उभे राहून आश्चर्याने मागे वळून पाहणे

चित्र क्र. ५:- पुढे चालत असताना डावीकडे वळून पुन्हा डाव्या बाजूला कटाक्षाने पाहणे

चित्र क्र. ६:- बसलेले असताना आश्चर्याने मागे नजर टाकणे

चित्र क्र. ७:- पुढे पळत जाऊन मागचा काय करतोय मागे येत आहे का हे पाहणे

चित्र क्र. ८:- समोर चालत असताना समोरच्या वस्तू कडे पाहणे

चित्र क्र. ९:- समोरच्या माणसाकडे डोळे वटारून रागारागाने पाहणे.

मी या सर्व बदलत जाणाऱ्या हावभावांचा व्हिडीओ सुद्धा काढला आहे. बरेच प्रयत्न करूनही तो अपलोड करता आला नाही.

(19646)

💐💐💐💐💐💐💐💐💐💐💐

ज्या दिवशी जबाबदारीच ओझ खांघांवर येत ना त्या दिवसापासून थकायचा आणि रुसायचा अधिकार संपतो….

💐शुभ सकाळ💐

💐💐💐💐💐💐💐💐💐💐💐 http://www.manachyakavita.wordpress.com💐💐💐💐💐💐💐💐💐💐💐

मेडिकल क्षेत्र….

पूर्वी इंजिनिअरिंगच्या ४-५ शाखा होत्या. तेव्हा माझ्या कॉलेज मधे मला आठवते ईलेक्ट्रिकल, मेकेनिकल, सिव्हिल आणि ईलेक्र्टॉनिक्स ह्याच शाखा होत्या. मी एडमिशन घेतले होते १९७७ मधे. आता तर खूप वाढल्या आहेत. कित्येक शाखांचे नाव सुद्धा माहिती नाही आम्हाला.

तसेच पूर्वी डॉक्टर म्हणजे लिमिटेड क्षेत्र वाटायचं. पण हळूहळू या क्षेत्रात ही खूप बदल झाला आहे. शरीरातील प्रत्येक अवयवासाठी वेगवेगळे एक्सपर्ट दिसतात. इतकेच काय वेगवेगळ्या सेवा पुरविण्यासाठी एक्सपर्ट वेगळे असतात. नुकताच एका नातेवाईकासोबत दवाखान्यात गेलो होतो. त्यांना सांधेदुखी चा त्रास सुरू झाला आहे. सांधेदुखी चे एक्सपर्ट म्हणजे कोण याचा नेटवर शोध घेतला तर रिमेटोलॉजी (rheumatology) क्लिनिक व एक्सपर्टला rheunatologist असे संबोधतात असे आढळले. हे माझ्या साठी एकदम नवीन क्षेत्र होते. फोनवर अपॉइंटमेंट घेतली. क्लिनिक वर गेलो ही पण खात्री होत नव्हती. शेवटी विचारले कि हे सांधेदुखी चे तज्ञ आहेत न? त्यांनी हो म्हटल्यावर मनाला शांती मिळाली. नाही तर उगाच ६००/- रु। फी भरावी लागली असती. आणि ते नातेवाईक सुद्धा नाराज झाले असे.

आम्ही जेथे गेलो होतो तो मोठा दवाखाना होता. तेथे वेगवेगळे क्लिनिक होते. कधी ऐकली नव्हती त्यांची नावे. तुम्ही ही आश्चर्यचकित व्हाल. एक होते travel clinic. मला काही समजले नाही. हे काय असते. मी त्यावर विचार करायला सुरुवात केली. मला तेथे एक वॉकर घेतलेली व्यक्ती आंत जातांना दिसली. मला वाटले कदाचित ज्यांना अपघातामुळे चालायला त्रास होतो त्यांना मार्गदर्शन केले जात असावे. पण मन ऐकत नव्हते. ही सवय लहानपणापासून जडली आहे. जोपर्यंत मनाचे समाधान होत नाही तोपर्यंत पिच्छा पुरवायचा आणि माहिती गोळा करायची. शेवटी मी बाहेर बसलेल्या असिस्टंट कडे मोर्चा वळवला. त्यांना विचारले मेडम हे ट्रेव्हल क्लिनिक काय असते? त्यांनी सांगितले ज्यांना विदेशी जायचे असते त्यांचेसाठी आहे ते. बस यापुढे विचारून स्वतः चे जास्त हसे करून घ्यावे असे मला वाटले नाही व मी येऊन आपल्या जागी बसलो. मला वाटते आजारी व्यक्ती विदेशात जात असेल तर त्याला तेथे काय करावे, कोणते औषध घ्यावे, अचानक काही त्रास झाला तर नेमके काय करावे? अशा प्रकारच्या सल्ल्यासाठी हे क्लिनिक असावे.

बरोबर आहे. विदेशात ही औषधे मिळत असतीलच असे नाही. आणि जापान, रुस अशा वेगळी भाषा असलेल्या देशात गेल्यावर काय करणार? काही झाले तर तेथील डॉक्टर ला काय सांगणार? मी लगेच फ्लॅशबेक मधे गेलो. १९९८ मधे मला या समस्येला सामोरे जावे लागले होते. माझी प्रक्रुति बरी नव्हती. मला संपूर्ण अंगाला मुंग्या यायच्या. डोक्यातून पाठीमागून निघायच्या आणि खालपर्यंत जायच्या. मला खूप अस्वस्थ व्हायचे. बरेच डॉक्टर झाले. कोणालाही कळेना नेमके काय झाले आहे ते. एक दिवस मी गळ्यात टांगायची बेग घेतली. त्यात डबा पुस्तकं इ. साहित्य ठेवले. व ती माझ्या खांद्यावर लटकवली. तेव्हा मला मुंग्या कमी झाल्यासारखे वाटले. परत परत लक्ष दिले. मग हेच कारण आहे असे जाणवले. रात्री घरी गेल्यावर गळ्याला टर्किश टॉवेल गुंडाळून ताट मान करून बसलो. खूप बरे वाटले. मग सुटीच्या दिवशी होमिओपॅथी डॉक्टर कडे गेलो. ओळखीचे होते. त्यांना हे सांगितले. तेव्हा स्पांडेलायटिसचा त्रास असल्याचे त्यांनी सांगितले. त्यावर औषध दिले व काही दिवसांनी बरा झालो. जवळजवळ ५-६वर्षे मी तो त्रास सहन करत होतो. आजार बरा होत नसल्याने आत्मविश्वास कमी होत चालला होता. असो.

पुन्हा पूर्वपदावर येऊ. तर Travel clinic चा उलगडा झाला होता. नंतर शोधल्यावर infectious disease clinic, respiratory medicine, असे बरेच क्लिनिक असतात असे समजले.

आणखी एका Ergonomic clinic ची माहिती मिळाली. याचा अर्थ शोधला तर उलगडा असा झाला. Ergonomic चा अर्थ designed for efficiency and comfort in the working environment असा दिसून आला. म्हणजे तुम्ही जेथे काम करत आहात तेथील वातावरण कसे आहे. तुमची क्षमता कशी वाढवता येईल. फर्निचर कसे डिजाईन केले असावे. याचे मार्गदर्शन हे डॉक्टर देतात. कमाल आहे न!

असे असंख्य प्रकार या मेडिकल क्षेत्रात आहेत. आपल्याला माहिती नसतात. किंबहुना आपण करून घेत नाहीत. किंवा जेव्हा गरज पडेल तेव्हा बघू. ही प्रवृत्ती असते व नडते ही.

माणसाने चौफेर लक्ष ठेऊनच जगले पाहिजे. कौन जाने कब कौन बनेगा करोडपती से बुलावा आ जाये!😊😊

(19620)

http://www.koshtirn.wordpress.com

💐💐💐💐💐💐💐💐💐💐💐

🌷शुभ प्रभात🌷🕉नमः शिवाय।🕉

💐💐💐💐💐💐💐💐💐💐💐

तानसेन(19605)

अकबराच्या दरबारातील नऊ रत्नांपैकी एक रत्न तानसेन. असे म्हणतात कि तो मोठा संगितज्ञ होता. इतका मोठा होता कि तो जेव्हा मेघ मल्हार गायचा तेव्हा पाऊस पडायचा किंवा दिपक राग गायचा तर अग्नी प्रज्वलित ह्वायची.

संगीतात अफाट शक्ति आहे. असे प्रयोग केल्याचे वाचनात आले आहे कि शेतात जर रोज संगीत वाजवले तर चांगले पिक येते.

असाच एक प्रयोग एका वेड्याने केला. त्याचा व्हिडीओ सोबत देत आहे. प्रत्यक्ष दिसत असल्याने संगिताच्या शक्तीची कल्पना येईल.

एका मोठ्या प्लेट वर बाजरीचे दाने विखरून टाकले आहेत. आणि साध रिदम दिल्याने ते दाने कसे लयबद्ध रित्या रचले जातात ते बघा.

रुमादेवी(31019574)

मित्रांनो, कोणाच्या नशिबी काय लिहिलेले असेल काही सांगता येत नाही. असे म्हणतात कि ज्याच्या पत्रिकेत राजयोग असतो तो एखादा लिडर किंवा मोठा माणूस होतो. अशी अनेक जणं असतात जे अत्यंत गरीब घरची असतात पण त्यांच्या हातून असे काही घडते ते शिखरावर जाऊन पोहोचतात.

काही दिवसांपूर्वी कौन बनेगा करोडपती मधे रुमादेवी नामक एक स्रीला एक सेलीब्रिटी म्हणून विशेष आमंत्रित केले होते. वय फक्त ३० वर्षे. गावंढळ, राजस्थान मधील एका लहानशा खेड्यात राहणारी. फक्त आठवीपर्यंत शिक्षण व १७ वर्षाची असतांना लग्न झालेली एक महिला.

इतक्या कमी वयात कोणाचे ही पाठबळ नसतांना एका साध्या कशिदा च्या कामाच्या बळावर तीने सर्वोच्च उंची गाठली आहे. तीला सर्वोच्च नारी शक्ती पुरस्काराने महामहिम राष्ट्रपती यांचे हस्ते संमानित केले गेले आहे.

या वयात तीने २२००० महिलांना रोजगार मिळवून दिला आहे. इतक्या कमी कमी वयात, एक गरीब कमी शिक्षित महिला, २२००० महिलांपर्यंत पोहोचून त्यांना कशिदा करण्यासाठी प्रोत्साहित करते, त्या महिला व त्यांचे घरचे रुमादेवीवर विश्वास ठेऊन तयार होतात व त्याने एक नव विश्व नावारूपाला येते याला ईश्वरिय देनगीच म्हणावे लागेल.

अर्थात संधीचे सोने करणे हेही त्या व्यक्ती वर अवलंबून असते.

कौन बनेगा करोडपती मधे प्रसिद्ध सिने नटी सोनाक्षी सिन्हा ह्या रुमादेवीसोबत होत्या.

विशेष म्हणजे दोन्हींचे वय सारखे होते. रुमादेवीचे लग्न 17 व्या वर्षी तर सोनाक्षी अजूनही अविवाहित. हा फरक आहेच. असो.

रुमादेवी यांनी देशांतर्गत प्रदर्शनं भरविली, आपल्यासोबत कारागीर महिलांना घेऊन रेंप वाक सुद्धा केले. इतकेच नव्हे तर जर्मनी मधे त्यांच्या वस्रांचे प्रदर्शन ही भरवले होते. अशा ह्या अविश्वसनीय, अदभूत व अकल्पित व्यक्तिमत्वास सलाम.

(सर्व चित्रांसाठी गुगलचे आभार)

संगत…(19572)

संगतीचा परिणाम आपण सर्व अनुभवत असतो. आपण ज्याच्या शी संवाद करतोय तो ज्या टोनमध्ये बोलत असतो थोड्या वेळाने आपली टोन ही तशीच होऊन जाते. जशी मुंबई ची भाषा सिनेमा मधे जी आपण ऐकतो तशी. मी मुंबई मधे एक तपापेक्षा जास्त काळ होतो पण कधी तशी भाषा कोणाच्या तोंडून ऐकलेली नाही. हे मात्र निश्चित कि जशा परिसरात आपण वावरतो तसा परिणाम आपल्यावर होतो. फक्त भाषाच नव्हे तर आपले राहणीमान, आपली शरीराची ठेवण, चेहरेपट्टी, इ. मित्रांनो, हे निरिक्षण मी कॉलेज मधे असतांना पासून करत आलोय.

शेवटी असे म्हणता येईल कि आपल्या विचारानुरूप आपल्या संपूर्ण शरीरयष्टीत बदल होत जातो.

आपण बघत आलो आहे कि बर्फाळ प्रदेशात राहणारे प्राणी केसाळ असतात.

तेथील झाडांची विशिष्ट रचना असते. ती ही बर्फापासून बचाव करण्यासाठी.

(सर्व फोटो गुगलवरून) संगतीचा परिणाम काय असतो तो व्हाट्सअपवर आलेल्या खालील व्हिडीओ वरून दिसून येईल.

यात एक कोबडी बदकांच्या कळपात शिरली आणि तिच्या ऐटीत किती बदल झाला ते निरिक्षण करावे.

लेन कटिंग(19569)

लेन कटिंगला मराठीत काय म्हणावे हे सूचत नसल्याने मी तसाच शिर्षक दिला आहे या माझ्या पोस्ट ला.

पूर्वी फक्त देशातील हायवे मोठे असायचे. कारण तेव्हा जनसंख्या कमी होती,…….या पुढील लेख खालील लिंक वर उपलब्ध आहे.

https://ravindra1659.wordpress.com/2019/09/19/%e0%a4%b2%e0%a5%87%e0%a4%a8-%e0%a4%95%e0%a4%9f%e0%a4%bf%e0%a4%82%e0%a4%97/

छप्पर फाडके….(19567)

एखादाच नशीब घेऊन जन्माला येतो असे म्हणतात. हे खरे ही आहे. या घटनेला बघून तरी माझी खात्री पटली आहे.

सोनी टि.व्हि.वर सध्या एक कार्यक्रम सुरु आहे. “कौन बनेगा करोडपती” परवा एक माऊली या कार्यक्रमात आली होती.

अंजनगाव सुर्जी जळगाव येथील बबिता ताडे. या माऊली शाळेतील मुलांना खिचडी बनवून देण्याचे काम २००२ पासून करित आहेत. त्यासाठी त्यांना मानधन म्हणून मासिक फक्त रु. १५००/- मिळतात. हे जेव्हा त्यांनी अमिताभ बच्चन यांनी विचारल्यावर सांगितले तेव्हा अमिताभ बच्चन हे सुन्न झाले.

त्या माऊली चे कौतुक करणे भाग आहे. कारण त्या दिवसातून दोन वेळा ४५० विद्यार्थ्यांसाठी खिचडी बनवितात. तरी ही त्यांच्या चेहर्यावर कोठेही निराशा किंवा नाराजी दिसत नव्हती.

त्यांनी पूर्ण उत्साहाने खेळायला सुरुवात केली. कोठेही आपला उत्साह कमी पडू दिला नाही.

शेवटपर्यंत त्यांचा आत्मविश्वास डगमगला नाही. एक खेडूत स्री इतक्या आत्मविश्वासाने खेळू शकते हे पाहून आश्चर्य वाटल्याशिवाय राहिले नाही. त्यांच्या तोंडून वारंवार हे शब्द बाहेर पडत होते कि मला दाखवून द्यायचे होते कि एक खिचडी बनविणारी सुद्धा कमी नाही व मी येथून एक करोड जिंकून जाणार!

या आत्मविश्वासाच्या अगदी विरुद्ध त्यांच्या स्वतः साठीच्या अपेक्षा होत्या. सुरुवातीलाच त्यांनी सांगितले होते कि त्यांचा स्वतः चा मोबाईल नाही म्हणून त्यांना स्मार्ट फोन घ्यायचा आहे. मग बच्चन यांनी त्यांना एक स्मार्ट फोन भेट दिला.

जेव्हा रक्कम वाढत गेली तेव्हा शिवमंदिर दुरुस्त करावयाचे आहे अशी त्यांनी इच्छा व्यक्त केली. एक कोटी जिंकल्यावर हे पैसे माझ्या घरासाठी मुलांसाठी आहेत हेच ती माऊली बोलली.

प्रत्येक प्रश्नाचे उत्तर देताना त्यांनी लॉजिकचा पूर्ण वापर केलेला मला आढळला. अहो, सात कोटीसाठीचा शेवटच्या प्रश्नाचे उत्तर सुद्धा त्यांनी बरोबर दिले. मात्र एक कोटीनंतर त्यांनी माघार घेतल्याने त्या एक कोटी जिंकल्या.

त्या माऊली ला पुढील वाटचालीसाठी हार्दिक शुभेच्छा.(सर्व फोटो साठी गुगल चा आभार )